ఆ తర్వాత సమంత ప్రధాన పాత్ర పోషిస్తున్న '96' తెలుగు రీమేక్ తాజా షెడ్యూల్ షూటింగ్ ఈ నెల 16 నుంచి జరుగుతుంది. ఈ షెడ్యూల్ తో షూటింగ్ మొత్తం పూర్తవుతుంది. తమిళ దర్శకుడు ప్రేమ్ కుమార్ దర్శకత్వంలో దిల్ రాజు నిర్మిస్తున్న ఈ చిత్రంలో శర్వానంద్ హీరోగా నటిస్తున్నాడు. తమిళ్ బ్లాక్ బస్టర్ హిట్ మూవీ ‘96’ చిత్రంలో సమంత, శర్వానంద్లు హీరోహీరోయిన్లుగా నటిస్తున్న ఈ చిత్రానికి ఇంట్రస్టింగ్ టైటిల్ ప్రచారంలోకి వచ్చింది. తమిళ వర్షెన్ని తెరకెక్కించిన ప్రేమ్ కుమార్ తెలుగు వర్షెన్ని డైరెక్ట్ చేస్తున్నాడు. ఈ చిత్రానికి జాను లేదా జానకి దేవి అనే రెండు టైటిల్స్ ను పరిశీలిస్తున్నారు. శర్వానంద్ చిత్రంలో కెమెరామెన్గా కనిపించనున్నాడు. అక్టోబర్ లేదా నవంబర్ తొలి వారంలో చిత్ర షూటింగ్ పూర్తి కానుందని అంటున్నారు. అయితే ఈ చిత్రం తర్వాత సమంత పలు ప్రాజెక్టులలో నటిస్తుందని వార్తలు వస్తుండగా, అవన్నీ అవాస్తవాలు అంటున్నారు. 96 రీమేక్ తర్వాత కొద్ది రోజుల పాటు సమంత సినిమాలకి బ్రేక్ తీసుకొని మాతృత్వం పొందేందుకు ప్రణాళికలు వేసుకుంటుందని సమాచారం.