నందమూరి నట సింహం బాలయ్య బాబు ప్రస్తుతం తమిళ్ స్టార్ డైరెక్టర్ కె.ఎస్.రవికుమార్ దర్శకత్వంలో ఓ సినిమా చేస్తున్న సంగతి తెలిసిందే. కాగా ఈ చిత్రం సెకెండ్ షెడ్యూల్ ప్రస్తుతం హైదరాబాద్ రామోజీ ఫిలింసిటీలో జరుగుతుంది. అయితే ఈ షెడ్యూల్ లో ఫుల్ యాక్షన్ సన్నివేశాలను షూట్ చేస్తున్నారు. ప్లాష్ బ్యాక్ లో ఈ సన్నివేశాలు వస్తాయి. బాలయ్య ఓ హోమం జరుపుతుండగా విలన్స్ బాలయ్య పై అటాక్ చేస్తారు. ఈ క్రమంలోనే బాలయ్య వారితో భారీ ఫైట్ చేస్తాడట. కాగా రేపటి షూటింగ్ తో ప్లాష్ బ్యాక్ లో వచ్చే యాక్షన్ పార్ట్ మొత్తం పూర్తవుతుందట. ఆ తరువాత జరగబోయే షెడ్యూల్ లో కీలకమైన ఫ్యామిలీ సన్నివేశాలను షూట్ చేయనున్నారు. ఈ సన్నివేశాల్లో బాలయ్య - భూమిక చావ్లా మధ్య వచ్చే సీన్స్ తో పాటు కొన్ని కామెడీ సీన్స్ ను ఉంటాయట. పైగా ఈ సీన్స్ లో జయసుధ, రావు రమేష్ కూడా ఉన్నారట. అయితే ఈ సినిమా గురించి సి కళ్యాణ్ ఓ ఇంటర్వ్యూలో మాట్లాడుతూ.. 'సినిమాలో బాలయ్య రెండు గెటప్ ల్లో కనిపించనున్నారని.. రెండో గెటప్ లో బాలయ్య ఇంకా యంగ్ లుక్ లో కనిపించనున్నారని.. ఈ లుక్స్ కోసం బాలయ్య రోజుకి ఐదు గంటలు వ్యాయామం చేస్తున్నారని.. చెప్పుకొచ్చారు. ఈ వయసులో కూడా బాలయ్య ఆ రేంజ్ లో కష్టపడటం నిజంగా గ్రేటే. ఇక ఇటీవలే విడుదలైన బాలయ్య ఫస్ట్ లుక్ కి ప్రేక్షకుల నుండి చాలా మంచి స్పందన వచ్చింది. మరి రెండో లుక్ కి ఇక ఏ రేంజ్ లో ఆదరణ దక్కుతుందో చూడాలి.
కాగా దర్శకనిర్మాతలు ఈ సినిమాకి రూలర్ అనే టైటిల్ పెట్టాలని ప్లాన్ చేస్తున్నారట. మొత్తానికి బాలయ్య మళ్లీ పవర్ ఫుల్ టైటిల్ తో రాబోతున్నాడు. అయితే ఈ టైటిల్ కి సంబంధించి ఇంకా ఎలాంటి అధికారిక ప్రకటన రాలేదు. ఇక ఈ చిత్రంలో రెండు భిన్నమైన పాత్రల్లో కనిపిస్తున్న బాలయ్య సరసన సోనాల్ చౌహాన్ అండ్ వేదిక హీరోయిన్లుగా నటించనున్నారు. అయితే వేదిక మధ్య వయస్సులో ఉండే బాలయ్య పాత్రకు జోడీగా కనిపించనుంది. అలాగే ఓ కీలకమైన పాత్రలో నమితను కనిపించనుంది. నమితది నెగటివ్ షేడ్స్ ఉన్న పాత్ర.. ముఖ్యంగా సినిమాలో బాలయ్యకి విలన్ గా కనిపించనుంది. ఇప్పటికే సింహా సినిమాలో బాలయ్య సరసన నమిత నటించింది. ఇక ఈ చిత్రంలో విలక్షణ నటుడు జగపతిబాబు పవర్ ఫుల్ విలన్ గా నటించబోతున్నాడు. బ్లాక్బస్టర్ `లెజెండ్` తర్వాత బాలకృష్ణ, జగపతిబాబు కాంబినేషన్లో ఈ చిత్రం రూపొందనుంది. ప్రముఖ సంగీత దర్శకుడు చిరంతన్ భట్ సంగీత సారథ్యం వహిస్తున్నారు. ప్రముఖ నిర్మాత, సి.కె.ఎంటర్ టైన్మెంట్స్ అధినేత సి.కల్యాణ్ ఈ చిత్రాన్ని నిర్మించనున్నారు.