నేచురల్ స్టార్ నాని సినిమాలు జస్ట్ యావరేజ్ అనిపించుకున్నా పెట్టిన పెట్టుబడి తప్పక వచ్చేస్తోందన్నది నిర్మాతల నమ్మకం. ఆ నమ్మకమే నానిని మినిమమ్ గ్యారంటీ హీరో స్థాయి నుండి స్టార్ హీరో రేంజ్‌కి తీసుకువచ్చింది. నాని హీరోగా నటించిన ‘గ్యాంగ్ లీడర్’ సినిమా శుక్రవారం నాడు ప్రేక్షకుల ముందుకు వచ్చింది. విక్రమ్ కే కుమార్ దర్శకత్వం వహించిన ఈ చిత్రానికి మంచి హైప్ ఉండటంతో నాని కెరియర్‌లోనే బెస్ట్ ప్రీ రిలీజ్ బిజినెస్ చేసింది.
ఇక ఈ సినిమా రిపోర్ట్ డీసెంట్‌గానే ఉన్నప్పటికీ హిట్ అనే బార్డర్‌కు ముందే నిలిచిపోయిందని ‘గ్యాంగ్ లీడర్’ యావరేజ్ అంటున్నారు ప్రేక్షకులు. అయితే నాని కోసం తప్పకుండా చూడొచ్చని ఫ్యామిలీ ఆడియన్స్‌ని గ్యాంగ్ లీడర్ మెప్పిస్తాడంటున్నారు. దీనితో రెండు రాష్ట్రలలో రెండు సెలవులో ఓ మోస్తరుగానే రిలీజ్ ఐన ప్రతి చోట సినిమా హాళ్లు నిండాయి. దీనితో అయితే ఈ మూవీ తొలి రోజు కలెక్షన్ల విషయానికి వస్తే రెండు తెలుగు రాష్ట్రాల్లోనూ 4.57 కోట్లు వసూలు చేసింది. ఏరియాల వారిగా ఎక్కడ ఎంత వసూలు చేసిందో ఈ మూవీ పీఆర్ఓ వంశీ శేఖర్ ట్విట్టర్‌లో కలెక్షన్స్ రిపోర్ట్ ఇచ్చారు.
ఏరియా షేర్ (కోట్లలో) నైజాం 1.67, సీడెడ్ 0.52, యూఏ 0. 62, గుంటూరు 0.46, తూర్పు గోదావరి 0.52, కృష్ణ 0.33, నెల్లూరు 0.15, కృష్ణ 0.33, పశ్చిమ గోదావరి 0.30,
నెల్లూరు 0.15 ఈ విధంగా మొత్తంగా: రూ. 4.15 కోట్లు కొల్ల గొట్టింది. ఇక యూఎస్‌లో గ్యాంగ్ లీడర్ ఓ మోస్తరు కలెక్షన్లు మాత్రమే రాబట్టింది. మొత్తంగా తొలిరోజు $350K కలెక్షన్స్ రాబట్టడంతో జెర్సీ చిత్రాన్ని బీట్ చేయలేకపోయింది. జెర్సీ చిత్రం తొలిరోజు $410K వసూలు చేసింది.
మొత్తంగా గ్యాంగ్ లీడర్ సేఫ్ అవ్వాలంటే రూ.35 నుంచి రూ.40 కోట్లు వసూలు చేయాల్సిఉంది. నాని కెరీర్ లో బిగ్గెస్ట్ హిట్‌గా నిలిచిన ‘ఎం.సి.ఏ’ రూ.30 కోట్లు వసూలు చేసింది. అయితే గ్యాంగ్ లీడర్ బిజినెస్ రూ. 30 కోట్ల మేర జరిగింది. వీటిని రికవరీ చేసి హిట్ చిత్రంగా నిలబడాలంటే అదనంగా మరో రూ. 10 కోట్లు వసూలు చేయాల్సి ఉంటుంది. మొత్తంగా 35 - 40 కోట్లను గ్యాంగ్ లీడర్ రాబడితే బయ్యర్లు సేఫ్ అయినట్టే.
