సూపర్ స్టార్ మహేష్ తో సినిమా అంటే ఏ డైరక్టర్ మాత్రం వద్దంటారు చెప్పండి. ఇక అందులో బ్యాక్ టూ బ్యాక్ మహేష్ మూవీ ఛాన్సులు వస్తే ఆ లెక్క వేరేలా ఉంటుంది. మహేష్ కెరియర్ లో మైల్ స్టోన్ మూవీగా వచ్చిన మహర్షి సినిమాకు దర్శకుడిగా తన సత్తా చాటాడు వంశీ పైడిపల్లి. మహేష్ 25వ సినిమా ఎలా ఉండాలో అలా మహర్షిని తెరకెక్కించాడు.
ఇక ఆ సినిమా తర్వాత మహేష్ అనీల్ రావిపుడి డైరక్షన్ లో సినిమా చేస్తున్నాడు. సరిలేరు నీకెవ్వరు సినిమా టైటిల్ తో వస్తున్న ఈ సినిమాను దిల్ రాజు, అనీల్ సుంకర కలిసి నిర్మిస్తున్నారు. 2020 సంక్రాంతికి కానుకగా ఈ సినిమా రిలీజ్ అవుతుంది. రష్మిక మందన్న హీరోయిన్ గా నటిస్తున్న ఈ సినిమాలో లేడీ సూపర్ స్టార్ విజయశాంతి కూడా నటిస్తున్నారు.
ఈ సినిమా తర్వాత మహేష్ కె.జి.ఎఫ్ ప్రశాంత్ నీల్ డైరక్షన్ లో సినిమా చేస్తాడని అంటున్నారు. అయితే ఆ ప్రాజెక్ట్ పై క్లారిటీ లేదు కాని మరోసారి వంశీ పైడిపల్లి డైరక్షన్ లో సినిమా మాత్రం చేస్తాడని తెలుస్తుంది. మహర్షి టైంలోనే మహేష్ కోసం ఓ కథ అనుకున్నాడట వంశీ పైడిపల్లి. మహర్షి కన్నా ముందు మహేష్ కు ఆ కథే చెప్పాడట వంశీ పైడిపల్లి.
మహర్షితో వంశీ మీద నమ్మకం రావడంతో ఇప్పుడు మరో ప్రయత్నానికి సిద్ధమవుతున్నాడు. సరిలేరు నీకెవ్వరు షూటింగ్ పూర్తి కాగానే ఈ సినిమా సెట్స్ మీదకు వెళ్తుందట. మహర్షి లాంటి హిట్ కాంబినేషన్ లో వస్తున్న సినిమా కాబట్టి ప్రేక్షకుల్లో కూడా సినిమాపై భారీ అంచనాలు ఉన్నాయి. మరి మహేష్ వంశీ పైడిపల్లి ఇద్దరు కలిసి మరోసారి ఎలాంటి సినిమా చేస్తారో చూడాలి.
