ఇక గోపిచంద్ కు సంపత్ నంది తో ఇది రెండో చిత్రం. ఇంతకుముందు వీరిద్దరి కాంబినేషన్ లో వచ్చిన గౌతమ్ నంద బాగుందని అనిపించుకుంది కానీ ఎందుకో బాక్సాఫీస్ వద్ద సత్తా చాటలేకపోయింది. ఇక ఇప్పుడు గోపించంద్ ఈ డైరెక్టర్ కు రెండో సారి ఛాన్స్ ఇచ్చాడు. కాగా సంపత్ నంది డైరెక్షన్ లో తమన్నా కు మూడో సినిమా. ఇంతకుముందు ఆమె సంపత్ నంది తెరకెక్కించిన రచ్చ , బెంగాల్ టైగర్ చిత్రాల్లో హీరోయిన్ గా నటించింది. ఇదిలా ఉంటే ఈఏడాది ఎఫ్ 2 తో భారీ హిట్ కొట్టిన తమన్నా చేతిలో ఈసినిమా తప్ప వేరే ఆఫర్లు లేవు.
అయితే జయాపజయాలతో సంబందం లేకుండా గోపిచంద్ మాత్రం వరుస సినిమాలతో ఫుల్ బిజీగా వున్నాడు. ఇటీవలే ఆయన , తిరు డైరెక్షన్ లో చాణక్య సినిమాను పూర్తి చేయగా అక్టోబర్ 5న ఈ చిత్రం విడుదలకానుంది. ఈచిత్రం తరువాత గోపిచంద్ నూతన దర్శకుడు బిను సుబ్రమణ్యం అలాగే సంపత్ నంది డైరెక్షన్ లో సినిమాలు చేయనున్నాడు.
