కాగా గతంలో మహేష్ నటించిన దూకుడు లో తమన్నా ఇంట్రో సాంగ్ లో కనిపించగా ఆ చిత్రం సూపర్ హిట్ అయ్యింది. మరి ఈ సారి కూడా ఆ సెంటిమెంట్ వర్క్ అవుట్ అవుతుందో లేదో చూడాలి. డిసెంబర్ లో ఈ ఇంట్రోసాంగ్ ను షూట్ చేయనున్నారు. ఈ సాంగ్ కోసం రాక్ స్టార్ దేవి శ్రీ ప్రసాద్ అదిరిపోయే ట్యూన్స్ ను సిద్ధం చేస్తున్నాడని సమాచారం. కామెడీ మరియు యాక్షన్ ఎంటర్ టైనర్ గా తెరకెక్కుతున్న ఈ చిత్రం సంక్రాంతి కానుకగా జనవరి 11న విడుదలకానుంది.
ఈ చిత్రంలో మహేష్ ఆర్మీ ఆఫీసర్ గా కనిపించనుండగా ఆయనకు జోడిగా కన్నడ బ్యూటీ రష్మిక మందన్న నటిస్తుంది. వీరితో పాటు సీనియర్ హీరోయిన్ విజయశాంతి ఓ కీలక పాత్రలో నటిస్తున్న ఈ చిత్రాన్ని ఏకే ఎంటర్ టైమెంట్స్ , శ్రీ వెంకటేశ్వర క్రియేషన్స్ , జి ఏం బి ప్రొడక్షన్స్ సంయుక్తంగా నిర్మిస్తున్నాయి. ఇక ఇటీవల వరుసగా సూపర్ హిట్లు కొట్టి మహేష్ -అనిల్ రావిపూడి ఫుల్ ఫామ్ లో ఉండడంతో ఈ చిత్రం పై భారీ అంచనాలు నెలకొన్నాయి.