సూపర్ స్టార్ రజినీకాంత్ నటించిన పేట సినిమాలో ఓ కీలక పాత్రలో నటించి సౌత్ ఇండస్ట్రీ కి పరిచయమైంది హాట్ బ్యూటీ మాళవిక మోహనన్. ఈసినిమా తరువాత మాళవిక కు సెన్సేషనల్ హీరో విజయ్ దేవరకొండ తో 'హీరో' లో హీరోయిన్ గా నటించే ఆఫర్ వచ్చింది. ఇటీవలే ఈ చిత్రం ఓ షెడ్యూల్ ను కూడా పూర్తి చేసుకుంది అయితే ఏమైందో ఏమో ఈ సినిమాను మేకర్స్ ప్రస్తుతం హోల్డ్ లో పెట్టారు.
దాంతో మాళవికకు మళ్ళీ ఆఫర్ల కోసం ఎదురుచూడాల్సిన పరిస్థితి వచ్చింది.. అలా గని కాలిగా ఉండకుండా ఆమె హాట్ ఫోటో షూట్ లతో గత కొద్దీ రోజులనుండి హడావిడి చేసింది. ఆ ఫోటోలు కాస్త నెట్ లో వైరల్ అయ్యాయి. ఇక ఆఫొటోల్లో మాళవిక గ్లామర్ ను చూసి మేకర్స్ అవకాశాలు ఇవ్వడానికి రెడీ అయిపోయారు. అందులో భాగంగా తాజాగా ఓ క్రేజీ ఆఫర్ ను పట్టేసింది మాళవిక. కోలీవుడ్ లో ఇళయ దళపతి విజయ్ తో లోకేష్ కనగరాజ్ ఓ చిత్రాన్ని తెరకెక్కించనున్నాడు. ఈచిత్రంలో మాళవిక హీరోయిన్ గా నటించనుంది. ఓరకంగా ఆమె కు ఇది గోల్డెన్ ఛాన్సే.
పక్కా మాస్ ఎంటర్ టైనర్ గా తెరకెక్కనున్న ఈ చిత్రం ఈరోజు లాంచ్ కానుండగా వచ్చే వారం నుండి రెగ్యులర్ షూటింగ్ జరుపుకోనుంది. అనిరుధ్ రవిచంద్రన్ సంగీతం అందించనున్న ఈ చిత్రంలో మక్కల్ సెల్వన్ విజయ్ సేతుపతి విలన్ రోల్లో నటించనున్నాడు. ఎక్స్ బి ఫిలిం క్రెయేటర్స్ నిర్మించనున్న ఈ చిత్రం వచ్చే ఏడాది సమ్మర్ లో విడుదలకానుంది. ఇక మాళవికకు తెలుగు నుండి కూడా ఆఫర్లు కూడా వస్తున్నాయని సమాచారం. త్వరలోనే వాటికీ సంబందించిన వివరాలు వెలుబడనున్నాయి.