తెలుగు సినిమాలకు ఓవర్సీస్‌లో భారీ ఆదరణ దక్కడానికి కారణం బాహుబలి. కానీ ఆ తరువాత అంతే రేంజ్ అంచనాలతో వచ్చిన సాహో మాత్రం బాక్సాఫీస్ దగ్గర దారుణమయిన ఫలితాన్ని నమోదు చేసింది. ఆ సినిమాకి ప్రీమియర్స్‌కి భారీగా టికెట్స్ బుక్ చేసుకున్న వాళ్ళు ఆ సినిమా డిజప్పాయింట్ చెయ్యడంతో బోర్ ఫీల్ అయ్యారు.ఇప్పుడు ఆ ఎఫెక్ట్ సైరా పై క్లియర్‌గా కనిపిస్తుంది.
బాహుబలి సినిమా భాషాబేధం లేకుండా మొత్తం ఇండియన్ సినిమాకే ఒక గ్రేట్ ఎంబ్లెమ్‌లా నిలిచింది. ఆ సినిమాతోనే బాలీవుడ్ తరువాత పాన్ ఇండియా సినిమాలని రూపొందించే సత్తా ఉన్న ఇండస్ట్రీగా టాలీవుడ్ నిలిచింది టాలీవుడ్. కానీ రీసెంట్‌గా వచ్చిన సాహో మాత్రం తేడా కొట్టేసింది. ఆ సినిమా కూడా పాన్ ఇండియా సినిమా కావడంతో, పైగా బాహుబలి సినిమాలో నటించిన ప్రభాస్ హీరో కావడంతో సాహోపై భారీగా అంచనాలు పెట్టుకుని ప్రీమియర్స్‌కి టికెట్స్ బుక్ చేసుకున్నారు. కానీ మ్యాటర్ తేడా కొట్టేసింది. దాంతో చాలామందికి టాలీవుడ్ సినిమాలపై ఉన్న ఇంప్రెషన్ తగ్గింది.
సాహో రిలీజ్ అయిన నెలరోజులకు సైరా రిలీజ్ అయ్యింది. దీంతో సాహో చూసి డిసప్పాయింట్ అయిన చాలామంది ఈ సినిమాకి టికెట్స్ బుక్ చేసుకోలేదు. అందుకే ప్రీమియర్స్‌తోనే సునాయాసంగా మిలియన్ డాలర్స్ మార్క్ అందుకుంటుంది అనుకున్న సైరా ఆ మార్క్ చేరుకునే పరిస్థితి కనిపించటం లేదు.చిరంజీవి మ్యాజిక్ కూడా పూర్తిగా వర్క్ అవుట్ కాలేదు అని చెప్పుకోవచ్చు. ప్రస్తుతానికి 8 లక్షల డాలర్స్‌కి చేరువగా ఉన్నాయి సైరా ప్రీమియర్స్ కలెక్షన్స్. దీంతో మిలియన్ డాలర్స్‌ని టచ్ చెయ్యడం అసాధ్యంగా కనిపిస్తుంది. పైగా ఇది బుధవారం రిలీజ్. ఇక్కడ హాలిడేనే కానీ ఓవర్సీస్‌లో మాత్రం వర్కింగ్ డే. దానివల్ల కూడా ప్రీమియర్స్ కలెక్షన్స్ తగ్గాయి అనేది కూడా ఒక కారణం.
సైరాకి టాక్ బావుండడం వల్ల రేపటినుండి కూడా కలెక్షన్స్ పెరుగుతాయే తప్ప తగ్గవు. ఇక ఈ సినిమాకి బాలీవుడ్‌లో సైతం మంచి టాక్ ఉంది. దీంతో ఈ వీకెండ్స్‌లో తెలుగు వెర్షన్ తో పాటు హిందీ వెర్షన్‌కి కూడా మంచి కలెక్షన్స్ వచ్చే అవకాశం ఉంది. ప్రీమియర్స్ కలెక్షన్స్ పరంగా అయితే సైరా కంటే ముందు చాలా సినిమాలు ఉన్నాయి. ఎన్టీఆర్ సినిమా అరవింద సమేత ప్రీమియర్స్ తోనే 798 వేల డాలర్స్ సంపాదించగా సాహో 850K డాలర్స్, భరత్ అనే నేను 850K డాలర్స్ కలెక్ట్ చేసాయి. పైగా వీటిలో అరవింద సమేత, భరత్ అనే నేను కేవలం తెలుగు రిలీజ్ మాత్రమే. అయినా కూడా ఆ రేంజ్ వసూళ్లు రాబట్టాయి. సైరాకి ఉన్న బజ్‌కి ఇంత తక్కువ వసూళ్లు వచ్చాయి అంటే సాహో సినిమా లవర్స్‌ని ఎంతగా డిస్ట్రబ్ చేసిందో అర్ధం చేసుకోవచ్చు.
