మాస్ మహా రాజా రవితేజ ,ఎక్కడికిపోతావు చిన్నవాడా ఫేమ్ వి ఐ ఆనంద్ కాంబినేషన్ లో తెరకెక్కుతున్న లేటెస్ట్ మూవీ 'డిస్కోరాజా'. ప్రస్తుతం ఈచిత్రం యొక్క షూటింగ్ తుది దశకు చేరుకుంది. ఈచిత్రం నుండి మొదటి సాంగ్ ను ఈనెల 19న విడుదలచేయనున్నారు. ఇక ఈ చిత్రాన్ని క్రిస్మస్ కానుకగా డిసెంబర్ 20న విడుదలచేయనున్నామని ఇటీవల మేకర్స్ అధికారికంగా ప్రకంటిచారు. అయితే తాజాగా చిత్ర బృందం ఈ విడుదలతేదీని మార్చాలనే యోచన లో ఉన్నట్లు వార్తలు వస్తున్నాయి. ముందుగా అనుకున్నట్లుగా కాకుండా ఈ చిత్రాన్ని వచ్చే ఏడాది ఫిబ్రవరి లో లో విడుదలచేసేలా ప్లాన్ చేస్తున్నారట. అయితే విడుదల వాయిదాపడడానికి కారణాలు తెలియాల్సివుంది. ఇక ఈవార్తల గురించి అధికారిక ప్రకటన వెలుబడాల్సి వుంది. ఇదిలా ఉంటే ఈ చిత్రం యొక్క టీజర్ కూడా దసరా కు విడుదలకావాల్సి ఉండగా ఎందుకనో హోల్డ్ లో పెట్టారు. సైన్టిఫిక్ థ్రిల్లర్ గా తెరకెక్కుతున్న ఈ చిత్రంలో నాభా నటేష్ , పాయల్ రాజ్ పుత్ , తాన్యా హాప్ కథానాయికలుగా నటిస్తున్నారు.
ఎస్ ఆర్ టి ఎంటర్ టైన్మెంట్స్ బ్యానర్ ఫై రవి తాళ్లూరి నిర్మిస్తున్న ఈ చిత్రానికి తమన్ సంగీతం అందిస్తున్నాడు. ఈ చిత్రంలో ప్రముఖ కోలీవుడ్ హీరో బాబీ సింహ విలన్ పాత్రలో నటిస్తుండగా సునీల్ ముఖ్య పాత్రలో కనిపించనున్నాడు. ఇక గత ఏడాది టచ్ చేసి చూడు , నేల టిక్కెట్టు , అమర్ అక్బర్ ఆంటొని రూపంలో మూడు భారీ డిజాస్టర్లను చవిచూసిన రవితేజకు డిస్కోరాజా పై భారీ ఆశలు పెట్టుకున్నాడు. మరి ఈ చిత్రం తో రవితేజ హిట్టు కొట్టి సక్సెస్ ట్రాక్ ఎక్కుతాడో లేదో చూడాలి.
