స్టార్ హీరో లు నటించిన సినిమాలే 100కోట్లు రాబట్టాలంటే హిట్ టాక్ తో పాటు ప్రమోషన్స్ కూడా చాలా అవసరం. అలాంటింది ఇటీవల విడుదలైన ఓ సినిమా ప్రమోషన్స్ ఏమి లేకుండా సైలెంట్ గా విడుదలై 100కోట్ల క్లబ్ లో చేరి ఈ ఏడాది బిగ్గెస్ట్ బ్లాక్ బాస్టర్ అనిపించుకుంది. ఇంతకీ ఆ సినిమా ఏంటంటే ... తమిళ హీరో ధనుష్ నటించిన అసురన్. ఇటీవల విడుదలైన ఈ చిత్రం సూపర్ పాజిటివ్ టాక్ తో ప్రపంచ వ్యాప్తంగా 60కోట్ల వసూళ్లను రాబట్టింది. థియేట్రికల్ కలెక్షన్స్ తోపాటు నాన్ థియేట్రికల్ రూపంలో మరో 40కోట్ల బిజినెస్ చేసింది. అలా అసురన్ 100కోట్ల వసూళ్లను రాబట్టింది.
ఇంతకుముందు తుపాకి, కాకా కాక ,తెరి , వంటి బ్లాక్ బాస్టర్ సినిమాలు నిర్మించిన కూడా అసురన్ తో వచ్చిన లాభాలు ఏ సినిమా తో రాలేదని స్వయంగా నిర్మాత కలైపులి ఎస్ థాను వెల్లడించాడంటే ఈ చిత్రం ఏ రేంజ్ లో లాభాలను తీసుకొచ్చిందో అర్ధం చేసుకోవచ్చు. లో బడ్జెట్ లో తెరకెక్కిన ఈ చిత్రం ధనుష్ కెరీర్ లోనే బిగ్గెస్ట్ బ్లాక్ బాస్టర్ హిట్ గా నిలిచింది. రూరల్ బ్యాక్ డ్రాప్ లో రివేంజ్ డ్రామా గా తెరకెక్కిన ఈ చిత్రంలో ధనుష్ నటన హైలైట్ గా నిలిచింది. వెట్రిమారన్ డైరెక్ట్ చేసిన ఈ చిత్రంలో మలయాళ నటి మంజు వారియర్ ,ధనుష్ కు జోడీగా నటించగా జీవి ప్రకాష్ కుమార్ సంగీతం అందించాడు. కాగా ధనుష్ - వెట్రిమారన్ కాంబినేషన్ లో ఇది రెండో సినిమా. ఇంతకుముందు వీరి కాంబినేషన్ లో వచ్చిన వడ చెన్నై కూడా బ్లాక్ బాస్టర్ హిట్ అనిపించుకుంది.
