ಕಿಸ್, ಸ್ಯಾಂಡಲ್ ವುಡ್ ನಲ್ಲಿ ಎಲ್ಲೆಲ್ಲಿಯೂ ಈಗ ಕಿಸ್ ಹವಾ. ಹೌದು, ಇತ್ತೀಚೆಗಷ್ಟೇ ತೆರೆ ಕಂಡ ಈ ಚಿತ್ರ ರಾಜ್ಯಾದ್ಯಂತ ಭರ್ಜರಿ ಪ್ರದರ್ಶನ ಕಾಣುತ್ತಿದೆ. ಇದೇ ಖುಷಿಯಲ್ಲಿ ಕೆಜಿಎಫ್ ನಾಯಕ ರಾಕಿಂಗ್ ಸ್ಟಾರ್ ಯಶ್ ಕಿಸ್ ಚಿತ್ರ ವೀಕ್ಷಿಸಿದ್ದು, ಏನಂದ್ರ ಗೊತ್ತಾ. ಇತ್ತೀಚೆ ಗಷ್ಟೇ ಆ್ಯಕ್ಷನ್ ಪ್ರಿನ್ಸ್ ಧ್ರುವ ಸರ್ಜಾ ಕೂಡ ಸಿನಿಮಾ ನೋಡಿ ಸಂತೋಷ ವ್ಯಕ್ತಪಡಿಸಿದರು. ಇದೀಗ ರಾಕಿಭಾಯ್ ಕಿಸ್ ಟೀಮ್ ಜೊತೆ ಕೂತು ಸಿನಿಮಾ ನೋಡಿದರು. ರಾಕಿಂಗ್ ಸ್ಟಾರ್ ಕೂಡ ಕಿಸ್ ಟೀಮ್ಗೆ ಸಾಥ್ ಕೊಡುತ್ತಿದ್ದಾರೆ.
ಆತ್ಮೀಯ ಗೆಳೆಯ ಎ.ಪಿ. ಅರ್ಜುನ್ ನಿರ್ಮಿಸಿ, ನಿರ್ದೇಶಿಸಿರೋ ಚಿತ್ರದ ಬೆನ್ನಿಗೆ ನಿಂತಿದ್ದಾರೆ. ಮಂಗಳವಾರ ನಗರದ ರಾಜ್ಕುಮಾರ್ ರಸ್ತೆ ಬಳಿ ಇರುವ ಓರಾಯನ್ ಮಾಲ್ನಲ್ಲಿ ಬೆಳಿಗ್ಗೆ 10.30ರ ಶೋ ಗೆ ಸಿನಿಪ್ರಿಯರ ಜೊತೆ ಕೂತು ಸಿನಿಮಾ ವೀಕ್ಷಿಸಿದ್ದಾರೆ. ಸಿನಿಮಾ ನೋಡಿದ ಯಶ್ ಚಿತ್ರ ಕಂಪ್ಲೀಟ್ ಫ್ಯಾಮಿಲಿ ಎಂಟರ್ಟೈನರ್ ಈ ಚಿತ್ರಕ್ಕೆ ಕಿಸ್ ಟೈಟಲ್ ಬದಲು ನೀನೇ ಮೊದಲು ನೀನೇ ಕೊನೆ ಅಂತ ಇಟ್ಟಿದರೆ ಇನ್ನೂ ಹೆಚ್ಚು ಫ್ಯಾಮಿಲಿ ಆಡಿಯನ್ಸ್ ಬರುತ್ತಿದ್ದರು ಎಂದು ತಿಳಿಸಿದ್ದಾರೆ.
ಇನ್ನು ಕಿಸ್ ಸಿನಿಮಾ ನೋಡಿ ರಾಕಿಂಗ್ ಸ್ಟಾರ್ ತಮ್ಮ ಡೆಬ್ಯೂ ಎಂಟ್ರಿ ಮತ್ತು ಮೊದಲಸಲಾ ಚಿತ್ರದ ಕೆಲವು ದೃಶ್ಯಗಳನ್ನು ನೆನಪಿಸಿಕೊಂಡರು. ಹಾಗೇ ನಾಯಕ ವಿರಾಟ್ ಡಾನ್ಸ್ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದರು ಹಾಗೂ ನಟಿ ಶ್ರೀಲೀಲಾ ಖಂಡಿತಾ ಇಂಡಿಯನ್ ಸಿನಿ ಇಂಡಸ್ಟ್ರಿಯನ್ನು ಒನ್ ರೌಂಡ್ ಹಾಕುತ್ತಾರೆ ಅನ್ನೋದನ್ನು ರಿಪೀಟ್ ಮಾಡಿದರು. ಅಂದ್ಹಾಗೇ ರಾಕಿಂಗ್ ಸ್ಟಾರ್ ಜೊತೆ ನಿರ್ದೇಶಕ ಎ.ಪಿ.ಅರ್ಜುನ್ ಮತ್ತು ನಾಯಕ ವಿರಾಟ್ ಕೂಡ ಸಿನಿಮಾ ನೋಡಿದರು. ಯಶ್ ಸಿನಿಮಾ ನೋಡಿ ಬೆನ್ನು ತಟ್ಟಿದ್ದಕ್ಕೆ ಸಂತಸ ವ್ಯಕ್ತಪಡಿಸಿದರು. ಒಟ್ಟಾರಲ್ಲಿ ಕಿಸ್ ಯೂತ್ ಅಂಡ್ ಫ್ಯಾಮಿಲಿ ಆಡಿಯನ್ಸ್ ಮನಗೆದ್ದಿದ್ದು, ಸಕ್ಸಸ್ಫುಲ್ಲಾಗಿ 25ನೇ ದಿನದತ್ತ ಮುನುಗುತ್ತಿದೆ. ಯಶಸ್ಸಿನತ್ತ ಚಿತ್ರ ಸಾಗುತ್ತಿದ್ದು ಚಿತ್ರತಂಡ ಫುಲ್ ಖುಷ್ ಆಗಿದೆ.
