అమెరికాలో మన ఇండియన్లు కుమ్మేస్తున్నారు. మరో ఇండియన్ అమెరికన్ తన సత్తా చాటాడు. ప్రతిష్టాత్మకమైన అవార్డు సొంతం చేసుకున్నాడు. ఇండో అమెరికన్
శాస్త్రవేత్త రతన్ లాల్ ను ఈ ఏడాది వరల్డ్ ఫుడ్ ప్రైజ్ ను గెలుచుకున్నారు. పర్యావరణాన్ని కాపాడుతూనే ఎక్కువ దిగుబడులు సాధించేందుకు కృషి చేసిన వారికి ఎక్కువగా ఈ వరల్డ్ ఫుడ్ ప్రైజ్ ఇస్తుంటారు.
మన ఇండియన్ అమెరికన్ రతన్ లాల్.. సహజ వనరులను పరిరక్షిస్తూ వాతావరణ మార్పులను తట్టుకుంటూ ఆహార ఉత్పత్తిని పెంచడానికి కేంద్రీకృత విధానాన్ని అభివృద్ధి చేశారు. అందుకే ఆయన ఈ ఏడాదికి వరల్డ్ ఫుడ్ ప్రైజ్ గెలుచుకున్నారు. ఈ అవార్డు కింద రతన్ లాల్ కు రెండు లక్షల యాభైవేల డాలర్ల ప్రైజ్ మనీ అందింది.
అసలు ఇంతకీ ఈ రతన్ లాల్ ఎవరు..? రతన్ లాల్ ఐదుదశాబ్దాల తన కెరీర్ లో ఆహార ఉత్పత్తిని పెంచే దిశగా అనేక పరిశోదనలు చేశారు. ఈయన కృషివలన నాలుగు ఖండాలలోని 500 మిలియన్ ల రైతులకు జీవనోపాధి లభించింది. ఇరవై కోట్ల మంది ప్రజలకు పోషక విలువలు గల ఆహారం అందింది. రట్టన్ లాల్ సూచించిన విధానం ద్వారా కొన్ని వందల మిలియన్ల హెక్టార్లలలో సహజ ఉష్ణమండల పర్యావరణ వ్యవస్థలు సంరక్షించబడ్డాయి.
