అమెరికా వ్యాప్తంగా సంచలనం రేపిన ఘటన ఫేక్
యూనివర్సిటీల భాగోతం. ఈ ఫేక్ యూనివర్సిటీల కారణంగా అధికశాతం మంది భారతీయులే
నష్టపోయారు. ఆ సమయంలో భారతీయ విద్యార్ధులు అనుభవించిన కష్టాలు అన్నీ ఇన్నీ కావు.
చదువుకోవాలని అమెరికా వెళ్తే , మోసపోవడమే కాకుండా దొంగలని ఉంచినట్టు అందరిని ఒకే
ప్రదేశంలో ఉంచారు.
కొంతమందికి చేతికి మైక్రో హ్యాండ్ , లెగ్ బ్యాండ్లు వేసి వారు కదలికల్ని గుర్తించేవారు. దాదాపు ఎన్నో అవమానాలు ఎదుర్కొన్నారు భారత విద్యార్ధులు.ఈ యూనివర్సిటీలలో కావాలనే మోసపూరితంగా చేరారు, అందరి వీసాలని రద్దు చేసి వీరిని వారి వారి స్వదేశాలకి పంపాలని అధికారులు కోర్టులో వాదించారు. అయితే ఈ విషయంపై మోసపోయిన విద్యార్ధులు అందరూ అదే కోర్టుని ఆశ్రయించారు.
అయితే సుమారు మోసపోయిన 500 మంది విద్యార్ధులు అందరూ కలిసి అమెరికా ప్రభుత్వంపై కోర్టుకి వెళ్ళారు. తమ వాదనలు వినాలని కోర్టుని ఆశ్రయించారు. తాజాగా ఈ విజ్ఞప్తి పై ఫిలడెల్ఫియా కోర్టు స్పందించింది. మీకు అవకాశం ఇస్తున్నాం అంటూ ప్రకరించింది. దాంతో మోసపోయిన విద్యార్ధులు సంతోషం వ్యక్తం చేశారు. భవిష్యత్తులో ఈ కేసు ఎలాంటి మలుపులు తిరుగుతుందో వేచి చూడాలి.
