సినిమా, టీవిల్లో రాణించాలని..అందుకు తగిన విధంగా నటనలో శిక్షణ పొందాలని ఎంతో మంది ఔత్సాహిక నటులు వేలు, లక్షలు దారపోసి శిక్షణ తీసుకుంటారు. అయితే కొన్ని ఫేక్ ఇనిస్ట్రిట్యూట్స్ ఇలాంటి వారిని దారుణంగా మోసం చేస్తున్న ఘటనలు ఎన్నో వెలుగు లోకి వచ్చాయి. తాజాగా నటనలో శిక్షణ పేరుతో యువతులకు వేధింపులు చేస్తున్నా ఓ ప్రబుద్దుడి గుట్టు బయట పడింది. బట్టలు విప్పి నటన నేర్చుకుంటే అద్భుతంగా రాణిస్తారంటూ వినయ్ అనే శిక్షకుడు కొత్త భాష్యానికి తెరలేపాడు.
హిమాయత్ నగర్ లో యాక్టింగ్ స్కూల్ నడుపుతున్న వినయ్ నటన పేరుతో ఎంతో మంది అమ్మాయిలను దారుణంగా వేధిలపులకు గురి చేసినట్లు బాధితులు తెలిపారు. నటన నేర్చుకోవాలంటే తన ముందు నగ్నంగా నిలబడాలంటూ వినయ్ ఒత్తిడి. చాలా మంది నటన పేరుతో వంచించి లొంగదీసుకొని తర్వాత వారికి చిన్నా చితకా పాత్రలు ఇప్పిస్తున్న వైనాలు ఎన్నో జరిగాయి. కానీ నటన నేర్చుకోవాలంటే తన ముందు నగ్నంగా నిలబడాలని అలా అయితేనే సిగ్గూ బిడియం పోయి నటన బాగా వస్తుందని భాదితురాలితో వినయ్ అనేవాడని ఆవేదన వ్యక్తం చేసింది.
క్లాస్ కి వచ్చిన కొత్తలో వ్యాయాలు, యోగా, మెడిటేషన్ లాంటివి చేయించేవాడని..తర్వాత అతన రంగు బయట పెట్టడాని బాధితురాలు అన్నారు. ఈ మద్య ఇద్దరు అమ్మాయిలను క్లాస్ లో బట్టలు తీయమని చెప్పారని.. మొదట తాము సార్ జోక్ చేస్తున్నారనుకున్నామని..కానీ ఆయన మాత్రం సిరియస్ గానే అన్నారని..ఆ సమయానికి పక్కనే ఉన్న కొంతమంది అబ్బాయిలు షర్ట్ తీశారని..బట్టలు తీస్తేనే తన క్లాస్ లో ఉండాలని..లేదంటే బయటకు వెళ్లిపొమ్మని చెప్పాడు.
దాంతో తమ తల్లిదండ్రులకు ఫోన్ చేశామని..ఆ తర్వాత షీ టీమ్ వద్దకు వెళ్లి కంప్లైంట్ ఇచ్చామని..వారు కూడా చాలా బాగా సహరించారని..ఇలాంటి కామాంధులకు కఠిన శిక్ష పడేలా చేయాలని పోలీసులకు విజ్ఞప్తి చేస్తుంది ఆ యువతి.
