కొన్ని సార్లు మన మద్య అకస్మాత్తుగా జరిగే సన్నివేశాలు నిజంగా ఆశ్చర్యాన్ని కలిగిస్తుంటాయి.  ముఖ్యంగా మనం సాదుకునే పెంపుడు జంతువులు మనకేదైనా జరిగితే వెంటనే మన చుట్టూ చేరుతాయి..అవికూడా ఎంతో బాధపడ్డట్టుగా ఫీల్ అవుతుంటాయి.  ఇక సినిమాల్లో చూపించే సీన్లు మీకు గుర్తుండే ఉంటాయి..పాము, కోతి, కుక్క, ఏనుగు ఇలా కొన్ని జంతువులు హీరో, హిరోయిన్లను రక్షించే స్థాయినలో చూపిస్తుంటారు..వారు బాధపడితే ఓదార్చే సన్నివేశాలు చూసుంటారు..కానీ ఇదే సీన్ రియల్ లైఫ్ లో జరిగితే..అవును  ఓ కోతి మహిళను ఓదార్చడం చూస్తుంటే ఒకంత నవ్వు వచ్చినా..నిజంగా దాని బాధ చూసి మనకు కూడా జాలి కలుగుతుంది. 

వివరాల్లోకి వెళితే..కర్ణాటకలోని నార్‌గుండ్‌లో 80 ఏళ్ల మహిళ  హనుమాన్‌ జయంతి రోజు చనిపోయింది.  ఆమె మృతదేహం వద్ద బంధువులు బోరుమని ఏడుస్తున్నారు. ఈ క్రమంలో అక్కడికి ఓ కోతి వచ్చి.. గుండెలవిసేలా రోదిస్తున్న మహిళను ఓదార్చింది. ఆమె తలపై చేయిపెట్టి.. ఓదార్చుతూ భుజాన్ని తట్టింది. దాంతో అక్కడ ఉన్నవారంతా ఒక్కసారే ఆశ్చర్యపోయారు.  సాధారణంగా కోతులు ఇళ్లలోకి వస్తే భయపడతారు..వెళ్లగొట్టడానికి ప్రత్నిస్తారు.

కానీ ఇక్కడ సీన్ రివర్స్...నిజంగానే ఓ మనిషిని మనిషి ఓదార్చినట్లు ఓ కోతి వచ్చి తల నిమురుతో..దగ్గరకు తీసుకొని ఓదార్చడం చూస్తుంటే నిజంగా మాయలా అనిపించిందని అంటున్నారు అక్కడి వారు. . ఆమె తలపై చేయిపెట్టి.. ఓదార్చుతూ భుజాన్ని తట్టడం చూస్తుంటే ఏ జన్మ బంధమో అని అంటున్నారు. ఈ దృశ్యాలను అక్కడున్న వారు చిత్రీకరించి సామాజిక మాధ్యమాల్లో అప్ లోడ్ చేశారు.  తాజాగా ఈ వీడియో సోషల్ మీడియాలో వైరల్ అవుతుంది. 


మరింత సమాచారం తెలుసుకోండి: