ఈ ఉత్తర్వులను సవాలు చేస్తూ తాడిపత్రికి చెందిన వి.మురళీప్రసాద్‌రెడ్డి హైకోర్టులో పిల్ దాఖలు చేశారు. మోసపూరితంగా మైనింగ్ లీజును పొందారని, ఇందులో జేసీ దివాకర్‌రెడ్డికి చెందిన త్రిశూల్‌ సిమెంట్స్‌లో భాగస్వాములు, బినామీల పాత్ర ఉందని ఆయన ఆరోపించారు.బుధవారం ఈ పిల్ విచారణకు రాగా పిటిషనర్ తరఫు లాయర్ వాదనలు వినిపించారు. ఈ పిల్ వెనుక పిటిషనర్ వ్యక్తిగత ప్రయోజనమేమీ లేదని, 2012 మార్చి 7న ఉమ్మడి హైకోర్టు దీనిపై విచారణ జరిపి ప్రతివాదులకు నోటీసులు జారీ చేసిందని గుర్తుచేశారు.
ఆ వివరాలను పరిగణనలోకి తీసుకున్న ధర్మాసనం.. తాజాగా మరోసారి నోటీసులు జారీచేస్తూ ఆదేశాలు వెలువరించింది. తదుపరి విచారణను అక్టోబరు నాలుగో వారానికి వాయిదా వేసింది.యాడికిలో పెన్నా సిమెంట్స్‌కు కూడా నాటి వైఎస్ ప్రభుత్వం 114 ఎకరాల అసైన్డ్‌ భూములను బెదిరించి వెనక్కు తీసుకుని, ఆ సంస్థకు కేటాయించారనే ఆరోపణలు వెల్లువెత్తాయి. దీనిపై కూడా కేసు నమోదుకావడంతో సీబీఐ విచారణ కొనసాగుతోంది.
పెన్నా ప్రతాప్ రెడ్డికి చెందిన పెన్నా సిమెంట్స్, పయనీర్ హోటల్స్‌కు చేకూర్చిన లబ్ధికిగాను రూ.53 కోట్ల పెట్టుబడులను జగన్ కంపెనీల్లో పెట్టుబడులు పెట్టారనే అభియోగాలపై ఈడీ ఆస్తులను జఫ్తు చేసింది. అయితే, ఈ అభియోగాలపై ఆధారాలు లేవని ఇటీవలే అప్పీలేట్ అథారిటీ తీర్పును వెలువరించింది.అన్నీ రోజులు మనవి కావు..అన్నీ అక్రమాలు అన్యాయాలు మాత్రం మనవి..
