പ്രവാസി മലയാളി യു എസില്‍ അജ്ഞാത വാഹനമിടിച്ചു മരിച്ചു. കോട്ടയം തുണ്ടില്‍ ബോബി എബ്രഹാം(45) ആണ് മരിച്ചത്. റോഡ് മുറിച്ചു കടക്കുന്നതിനിടെ അജ്ഞാതവാഹനം ഇടിച്ചുതെറിപ്പിക്കുകയായിരുന്നെന്നാണ് ബന്ധുക്കള്‍ പറയുന്നത് .
സ്റ്റെര്‍ലിങ് ഹൈറ്റ്‌സില്‍ കഴിഞ്ഞ ഞായറാഴ്ച രാത്രി ഏഴരയ്ക്കായിരുന്നു സംഭവം. വാഹനം ഓടിച്ച ആള്‍ക്കായി തിരച്ചില്‍ തുടരുന്നതായും ബന്ധുക്കള്‍ അറിയിച്ചു. മരിച്ചത് ബോബി എബ്രഹാമാണെന്ന് ഇന്നലെയാണ് തിരിച്ചറിഞ്ഞത്. കഴിഞ്ഞ 15 വര്‍ഷമായി അമേരിക്കയില്‍ ജോലി ചെയ്യുകയാണ് ഇദ്ദേഹം.
