2019 స్వస్తిపలికి 2020 కి స్వాగతం పలికేందుకు ఇంకా ఒక్కరోజు మాత్రమే మిగిలి ఉంది. ఎంతో ఆనందంగా మొదలైన 2019 సంవత్సరంలో ఎన్నో మధుర జ్ఞాపకాలు మరెన్నో తీపి గుర్తులు . జ్ఞాపకాలని నెమరు వేసుకుంటూ 2020 సంవత్సరానికి ఘన స్వాగతం పలుకుతున్న సమయం వచ్చేసింది. ఒక్క రోజులో కొత్త సంవత్సరానికి ప్రపంచం మొత్తం స్వాగతం పలుకబోతుంది . ఈ కొత్త సంవత్సరానికి ఘన స్వాగతం పలికేందుకు ప్రపంచ దేశాలు సైతం సిద్ధమయ్యాయి. అంగరంగ వైభవంగా కొత్త సంవత్సరానికి స్వాగతం పలుకుతూ ఎన్నో మధుర స్మృతులను మిగిల్చిన 2019 సంవత్సరానికి.. వీడ్కోలు పలుకుతూ... ప్రపంచం మొత్తం కొత్త సంవత్సరంలో అడుగు పెట్టేందుకు సిద్ధంగా ఉంది.
ఇకపోతే ఇప్పుడు వరకు 2019 సంవత్సరంలో అసలు ఎక్కడ కలిసి రాలేదు అని బాధ పడుతున్న వారు చాలామంది ఉంటారు. అలాంటివారు 2020 సంవత్సరంలో అడుగుపెట్టిన తర్వాత తమ ఆలోచనా తీరు అన్నీ మార్చుకుంటే తప్పక విజయం సాధించవచ్చు. 2020 సంవత్సరం లో దృఢ సంకల్పంతో ముందుకు సాగితే అసాధ్యాన్ని కూడా సుసాధ్యం చేయవచ్చు. 2019లో ఓడిపోవచ్చు కానీ 2020 లో మాత్రం గెలుపు కోసం అసలు సిసలైన ప్రయత్నం మొదలు పెట్టి విజయం సాధించండి.గెలుపు మీకోసం వేచి చూస్తూ ఉంటుంది. కొత్త ఆలోచనలు సరికొత్త పట్టుదలతో ముందుకు సాగండి.
చాలామంది ఇదే పంతాన్ని ఫాలో అవుతూ ఉంటారు. 2019 సంవత్సరంలో ఎలా గడిచిపోయినప్పటికీ కొత్త సంవత్సరంలో అడుగుపెట్టిన తర్వాత ఎన్నో ఆనంద క్షణాలను గడపాలని... ఎన్నో సాధించాలి అంటూ పట్టుదలతో ఉన్న వారు చాలా మంది ఉన్నారు. ఈ కొత్త సంవత్సరాన్ని కొత్త ఆలోచనలతో మొదలుపెడితే సరికొత్త జీవితాన్ని అనుభవించడానికి వీలుంటుంది. అందుకే జరిగిపోయిన గతం గురించి బాధ పడకుండా... భవిష్యత్తు కోసం ఆలోచిస్తే అంతా సాఫీగా సాగిపోతుంది. 2019 సంవత్సరం ఇచ్చిన ఆనందం కంటే 2020 సంవత్సరంలో మరింత అందంగా ఉండేందుకు ప్రయత్నించండి. కొత్త సంవత్సరాన్ని ఘనంగా ప్రారంభించండి.
