ఉత్తరప్రదేశ్ రాష్ట్రంలోని ఎటావాలో ప్రియుడితో రాసలీలలు కొనసాగిస్తున్న ఒక యువతి కన్న తండ్రి చేతిలో దారుణ హత్యకు గురైంది. కూతురును ప్రియుడితో కలిసి అసభ్యకర రీతిలో ఉండటం చూసిన తండ్రి కోపాన్ని కంట్రోల్ చేసుకోలేకపోయాడు. ఆవేశానికి లోనైన యువతి తండ్రి కూతురిపై, కూతురి ప్రియుడిపై దాడికి పాల్పడ్డాడు. ఈ ఘటనలో యువతి అక్కడికక్కడే మరణించింది. 
 
యువతి ప్రియుడు ప్రస్తుతం ఆస్పత్రిలో చికిత్స పొందుతున్నాడు. ఇతని పరిస్థితి తీవ్ర విషమంగా ఉందని వైద్యులు చెబుతున్నారు. పూర్తి వివరాలలోకి వెళితే ఎటావా గ్రామంలోని ఒక యువతి అదే గ్రామంలోని మరో యువకుడితో కొన్ని సంవత్సరాల నుండి ప్రేమలో ఉంది. ఎటావా గ్రామ శివారు ప్రాంతంలో వీరిద్దరూ కలుసుకొని ప్రపంచాన్ని పట్టించుకోకుండా కామ క్రీడల్లో మునిగితేలుతున్నారు. 
 
అదే సమయంలో యువతి తండ్రి మరియు సోదరుడు అదే మార్గంలో వెళుతూ తన కూతురు ప్రియుడితో అసభ్యకర రీతిలో ఉండటం చూశాడు. కూతురు చేసిన పనిని అవమానంగా భావించిన ఆ తండ్రి కూతురిని, ఆమె ప్రియుడిని చెట్టుకు కట్టేసి దాడి చేశాడు. గొడ్డలితో కూతురిని దారుణంగా హత్య చేశాడు. ఆ తరువాత ఆమె ప్రియుడిపై కూడా గొడ్డలితో దాడి చేశాడు. 
 
ఈ ఘటన గురించి స్థానికులు సమీపంలోని పోలీస్ స్టేషన్ కు సమాచారం అందించారు. సమాచారం అందిన వెంటనే పోలీసులు సంఘటనా స్థలానికి చేరుకుని యువకుడిని రక్షించి సమీపంలోని ఆస్పత్రికి తరలించారు. యువతి మృతదేహాన్ని పోలీసులు పోస్టుమార్టం కొరకు ప్రభుత్వ ఆస్పత్రిలోని మార్చురీకి తరలించారు. యువతి తండ్రి ప్రస్తుతం పరారీలో ఉన్నాడు. పోలీసులు యువతి తండ్రి కోసం గాలింపు చర్యలు చేపట్టారు. ప్రత్యేక బృందాలు కూడా నిందితుడి కోసం గాలిస్తున్నాయి. పోలీసులు ఎటావా గ్రామంలో ఎటువంటి అవాంఛనీయ సంఘటనలు జరగకూడదనే ఆలోచనతో ముందుజాగ్రత్త చర్యలు చేపట్టారు. ఈ ఘటన స్థానికంగా కలకలం రేపుతోంది. 


 

మరింత సమాచారం తెలుసుకోండి: