ప్రేమ.. ఈ భూమి మీద ఈ పదానికి ఉన్నంత ఆకర్షణ మరి దేనీకీ ఉండదేమో అనిపిస్తుంది. ప్రేమకు వయస్సుతో పని లేకున్నా.. యుక్త వయస్సులో ప్రేమలు సహజం. ఓ వయస్సు రాగానే ఆటోమేటిగ్గా స్త్రీ, పురుషుల మధ్య ఆకర్షణ సహజంగానే ఏర్పడుతుంది. కొన్ని ఆకర్షణలు ఆకర్షణలుగానే మిగిలిపోతే... కొన్ని ముదిరి ప్రేమలవుతాయి. ప్రేమకైనా, ఆకర్షణకైనా పునాది మాత్రం తొలిచూపే.
అసలు ఓ అబ్బాయికి.. ఓ అమ్మాయి ఎందుకు నచ్చుతుంది... ఇందుకు కారణాలు చెప్పడం చాలా కష్టం. ఎందుకంటే.. సహజంగా అందమే ఆకర్షణకు పునాది అనుకుంటారు. కానీ ఇది అన్ని సార్లు కరెక్ట్ కాదని ఈ ప్రపంచంలో అనేక జంటలు రుజువు చేశాయి. ఓ అబ్బాయికి ఓ అమ్మాయి ఎందుకు నచ్చిందంటే కారణాలు చెప్పడం కష్టమే. నచ్చడానికి కారణం కేవలం ఆ హృదయానికే తెలుస్తుంది.
ఓకే.. మరి ఓ అబ్బాయికి ఓ అమ్మాయి నచ్చిందంటే.. మొదట ఏంచేస్తారు.. ఎలా ప్రవర్తిస్తారు.. ఇది ఆసక్తికరమైన అంశం.. తొలిచూపులోనే ఓ అబ్బాయికి అమ్మాయి నచ్చితే... ముందు ఏం చేస్తారో తెలుసా.. వెంటనే నిటారుగా నిలబడతారట. సాధ్యమైనంత వరకూ ఫిట్‌గా కనిపించేందుకు ప్రయత్నిస్తారట. అచ్చమైన మగాడిలా పోజులు కొట్టేందుకు ప్రయత్నిస్తారట.
చాలా అధ్యయనాల్లో రుజువైన విషయం ఇది. అమ్మాయిని ఆకర్షించేందుకే ఈ తిప్పలన్నీ.. ఎలాగైనా తనకు నచ్చిన అమ్మాయి దృష్టిలో పడాలి. ఆమెను ఆకర్షించాలి. ఆమె ప్రేమను పొందాలి.. నచ్చిన అమ్మాయిని చూసిన తొలి క్షణాన అబ్బాయి లక్ష్యం ఇదే అవుతుంది.
