అందమైన రెండు హంసలు.. ప్రేమగా ముక్కులు పొడుచుకునే దృశ్యం ఎంత మనోహరంగా ఉంటుందో. అందులోనూ వాటి రూపం లవ్ సింబల్ ను పోలి ఉంటుంది. అందుకే వాటిని ప్రేమ ప్రతీకలుగా చెబుతుంటారు. అందమైన హంసలు హృదయాకృతిని ఎంత చక్కగా ఆవిష్కరిస్తాయో..
అయితే.. ఈ హంసలను ప్రేమ పక్షలుగా పిలుస్తారు.. ఇందుకు చాలా కారణాలు ఉన్నాయి.
రొమాన్స్‌లో భాగంగా హంసలు ఒక దాని పట్ల మరొకదాని ఇష్టాన్ని తెలుపుకునేందుకు ఇలా ఎదురెదురుగా వచ్చి తలలు వంచి ముక్కుల్ని ఆన్చి నిలుచుంటాయట. ఈ హంసల ప్రేమ కబుర్లు వింటే ఆశ్చర్యపోవాల్సిందే. ఎందుకంటే.. ఈ హంసల్లో చాలా రకాలు జీవితాంతం ఒకే భాగస్వామితో కలిసి ఉంటాయి.
మనుషుల్లో కాకుండా...ఇతర జాతుల్లో ఇలా ఒకే జీవిత భాగస్వామితో కలసి ఉండటం చాలా అరుదు. అందుకే కుక్కు ఉందా.. కోడికి ఉందా.. ఈ పెళ్లి ఆచారం అంటూ భద్రం బీకేర్ ఫుల్ బ్రదరూ అంటూ ఓ పాటలో కోట శ్రీనివాసరావు సెటైర్లు విసురుతారు. కానీ పెళ్లి గిల్లీ వంటి ఆచారం లేకపోయినా.. చాలా హంసలు తమ జీవితాంతం ఒకే భాగస్వామితో కలసి జీవిస్తాయట.
అంతేకాదు.. ఈ జంటలోని హంసలు రెండింటిలో ఏది చనిపోయినా రెండోది ఎక్కువ రోజులు బతకదట. ఆ దిగులుతోనే కొద్దిరోజుల్లోనే చనిపోతుందట. అందుకే హంసలను ప్రేమకు గుర్తుగా చెబుతారు. ఎంత ఘాటు హంస ప్రేమో కదా.. హంసలు పక్షులే అయినా ప్రేమ విషయంలో మిగిలిన పక్షల కంటే ఇంత ప్రత్యేకత చూపుతాయన్నమాట.
