చదువుకోమని తల్లిదండ్రులు విద్యార్థులను కళాశాలలకు పంపిస్తే కొంత మంది విద్యార్థులు చేస్తున్న నిర్వాకాలకు తలలు ఎత్తుకోలేని పరిస్థితి నెలకొంటుంది. తాజాగా విద్యార్థినుల హాస్టల్ రూమ్ లోకి ఓ యువకుడు ప్రవేశించిన ఘటన ఆలస్యంగా వెలుగు చూసింది. కృష్ణా జిల్లాలోని నూజివీడు ట్రిపుల్ ఐటీలో ఈ ఘటన జరిగింది. నూజివీడు ట్రిపుల్ ఐటీలో కొన్ని రోజులుగా ‘ఫెస్ట్’ నిర్వహిస్తున్నారు. అందరూ ఆ పనుల్లో నిమగ్నం అయ్యారు. ఈ క్రమంలో అదే ట్రిపుల్ ఐటీలో రెండో సంవత్సరం చదువుతున్న ఓ విద్యార్థి బాలికల హాస్టల్‌లోకి ప్రవేశించాడు. అయితే ఈ విషయం తెలిసి కూడా అందులో ఉన్న విద్యార్థినులు ఆ విషయాన్ని యాజమాన్యం దృష్టికి తీసుకుని వెళ్లలేదు. ఎట్టకేలకు ఈ విషయం తెలుసుకున్న కళాశాల సెక్యూరిటీ సిబ్బంది, అతడిని అదుపులోకి తీసుకున్నారు.
యువకుడు హాస్టల్ గదిలో ఉండేలా ఆరుగురు విద్యార్థినులు సహకరించారని ఆరోపణలు. ఈ నేపథ్యంలో ఆరుగురు విద్యార్థినులను కళాశాల యాజమాన్యం సస్పెండ్ చేసింది. ఈ ఘటనపై మిగిలిన విద్యార్థినులు ఆగ్రహం వ్యక్తం చేస్తున్నారు. ఏపిలోనే కాదు తెలుగు రాష్ట్రాల్లో నూజివీడు ట్రిపుల్ ఐటీ కళాశాలకు ఎంతో పేరు ఉంది.. అలాంటి ఈ కళాశాలలో ఇలాంటి చిల్లర పనులు చేయడం వల్ల పరువు పోతుందని పలువురు ఆగ్రహం వ్యక్తం చేస్తున్నారు. దీనిపై నూజివీడు ట్రిపుల్ ఐటీ ఇప్పటి వరకు ఎలాంటి విషయాన్ని కూడా తెలకపోవడం బాధాకరం అంటున్నారు. మరోవైపు ఈ విషయంపై కళాశాల యాజమాన్యం సీరియస్ అయ్యింది.
ఈ ఘటనపై కళాశాల యాజమాన్యం విచారణకు ఆదేశించింది.పట్టుబడ్డ యువకుడు హాస్టల్ కిటికీ ఊచలు విరగ్గొట్టి గదిలోకి ప్రవేశించినట్లు తెలుస్తుంది. అయితే ఆ విద్యార్థికి అందులో యువతితో ఏదైనా పరిచయం ఉందా.. అందుకే అతను వచ్చినా విషయాన్ని బయటకు పొక్కకుండా ఉంచాారా అన్న విషయం పై క్లారిటీ లేదు. తమ తోటి విద్యార్థులు ఇలాంటి నీచానికి పాల్పపడటం.. మిగిలిన విద్యార్థినులు ఆగ్రహం వ్యక్తం చేస్తున్నారు.
