దాదాపు భారతదేశంలో షాపింగ్ మాల్స్, హోటల్స్, రెస్టారెంట్ లు క్లోజ్అయిపోయి 60 రోజులకు పైగానే జరిగింది. కరోనా వైరస్ ఎఫెక్ట్ కి లాక్ డౌన్ దెబ్బతో ఈ పరిస్థితి దాపురించింది. అయితే ఇటీవల ఐదో దశ లాక్ డౌన్ పొడిగించిన సమయంలో ఆంక్షలు సడలింపులు ఇస్తూ జూన్ ఎనిమిదో తారీకు నుండి రెస్టారెంట్, షాపింగ్ మాల్స్ మరియు హోటల్స్ విషయంలో కేంద్రం  తాజాగా మార్గదర్శకాలు రిలీజ్ చేసింది. ఈ సందర్భంగా రెస్టారెంట్ కి గానీ మాల్ కి గానీ వెళ్ళాలి అనుకుంటున్న వారు కేంద్రం రిలీజ్ చేసిన తాజా మార్గదర్శకాలు తెలుసుకోండి. 

 

* అన్ని ప్ర‌దేశాల్లోనూ భౌతిక దూరం క‌చ్చితంగా పాటించాలి. వ్య‌క్తికి, వ్య‌క్తికి మ‌ధ్య క‌నీసం 6 అడుగులు ఉండేలా చూడాలి.

 

* ఫేస్‌మాస్కులు ఉన్న‌వారినే లోప‌లికి అనుమ‌తించాలి. క‌స్ట‌మ‌ర్లు శానిటైజ‌ర్ల‌ను వెంట ఉంచుకోవాలి. మాల్స్‌, రెస్టారెంట్ల వారు శానిటైజ‌ర్ల‌ను క‌స్ట‌మ‌ర్ల‌కు ఇవ్వాలి.

 

* ప్ర‌వేశ ద్వారాల వ‌ద్ద థ‌ర్మ‌ల్ స్కీనింగ్ చేశాకే.. క‌రోనా ల‌క్ష‌ణాలు లేని వారినే లోప‌లికి అనుమ‌తించాలి.

 

* ద‌గ్గినా, తుమ్మినా క‌ర్చీఫ్ లేదా టిష్యూల‌ను అడ్డుగా పెట్టుకోవాలి. త‌రువాత వాటిని నిర్దేశిత ప్ర‌దేశాల్లో మాత్ర‌మే ప‌డేయాలి.

 

* బ‌హిరంగ ప్ర‌దేశాల్లో ఉమ్మి వేయ‌రాదు. వేస్తే జ‌రిమానా విధించి చ‌ర్య‌లు తీసుకోవాలి.

 

* ప్ర‌తి ఒక్క‌రూ ఆరోగ్య సేతు యాప్‌ను వాడేలా చూడాలి.

 

* మాల్స్‌లో ఉన్నంత వ‌ర‌కు అంద‌రూ క‌చ్చితంగా ఫేస్ మాస్కుల‌ను ధ‌రించాలి.

 

* క‌రోనా వైర‌స్ వ్యాప్తిపై క‌స్ట‌మ‌ర్ల‌కు అవ‌గాహ‌న క‌లిగించేలా పోస్ట‌ర్ల‌ను అంటించాలి. ఆడియో, వీడియోల ద్వారా ప్ర‌చారం చేయాలి.

 

* మాల్స్‌లో క‌స్ట‌మ‌ర్లు భౌతిక దూరం పాటించేలా చూడాలి. అందుకు అవ‌స‌రం అయితే సిబ్బందిని నియ‌మించాలి.

 

* అనారోగ్య స‌మ‌స్య‌లు ఉండే ఉద్యోగులు, గ‌ర్భిణీలు, వ‌య‌స్సు ఎక్కువ‌గా ఉన్న‌వారికి ఇంటి నుంచే ప‌నిచేసే అవ‌కాశం క‌ల్పించాలి. లేదా ఫ్రంట్ లైన్ వ‌ర్క‌ర్ల‌కు దూరంగా ఉంచాలి.

 

* మాల్ బ‌య‌ట‌, లోప‌ల పార్కింగ్‌ను మేనేజ్ చేయ‌డంతోపాటు జ‌నాల ర‌ద్దీ ఎక్కువ‌గా లేకుండా చూడాలి.

 

* క‌స్ట‌మ‌ర్లు లోప‌లికి వెళ్లేందుకు ఒక మార్గం, బ‌య‌ట‌కు వ‌చ్చేందుకు ఒక మార్గాన్ని ఏర్పాటు చేయాలి.

 

* లిఫ్ట్‌లో, ఎస్క‌లేట‌ర్ల‌పై భౌతిక దూరం పాటించేలా ఏర్పాటు చేయాలి.

 

* మాల్స్‌లో జ‌నాలు పెద్ద‌గా గుమిగూడేలా ఎలాంటి ప్రోగ్రామ్స్‌ను నిర్వ‌హించ‌కూడ‌దు.

 

* మాల్‌కు వ‌చ్చే వారిలో ఎవ‌రికైనా క‌రోనా పాజిటివ్ అని తేలినా, ఒక‌టి, రెండు కేసులు న‌మోదైనా.. 48 గంట‌ల పాటు ఆ ప్రాంతం మొత్తాన్ని బాగా శుభ్రం చేయాలి. మాల్ మూసేయాల్సిన ప‌నిలేదు. మొత్తం బాగా శుభ్రం చేశాక మ‌ళ్లీ తెర‌వ‌వ‌చ్చు.

 

* భారీ ఎత్తున క‌రోనా కేసులు న‌మోదు అయితే మాత్రం మాల్‌ను పూర్తిగా శుభ్రం చేసి మూసేయాలి. ఎలాంటి ఇన్‌ఫెక్ష‌న్ లేద‌ని నిర్దారించుకున్నాకే మాల్‌ను మ‌ళ్లీ తెర‌వాలి.

మరింత సమాచారం తెలుసుకోండి: