చైనాతో ఉద్రిక్తతల నేపథ్యంలో గల్వాన్ లోయలో భారత బలగాలు ప్రత్యేకమైన వాటర్ప్రూఫ్ దుస్తులను సమకూర్చుకోవాలని భావిస్తున్నాయి. ఉష్ణోగ్రతలు పెరుగుతున్న కారణంగా గల్వాన్ నదిలో దిగేందుకు వీలుగా వీటి అవసరం చాలా ఉందని సైనిక వర్గాలు అంటున్నాయి.
గల్వాన్ నదిలో నీటి ప్రవాహం పెరిగిన నేపథ్యంలో ప్రత్యేకమైన వాటర్ప్రూఫ్ దుస్తులు సమకూర్చుకోవాలని భద్రతాబలగాలు భావిస్తున్నాయి. ఓవైపు చైనాతో ఉద్రిక్తతలు నెలకొన్న సమయంలో వీటి అవసరం ఉందని సైనిక వర్గాలు చెబుతున్నాయి.
గల్వాన్ లోయలో భారత గస్తీ పాయింట్- 14 సమీపంలో చైనా బలగాలు క్యాంపులను ఏర్పాటు చేశాయి. ఇప్పటికే చైనా బలగాలు వాటర్ప్రూఫ్ దుస్తులతో సంసిద్ధంగా ఉన్నాయి. ఈ దుస్తుల ద్వారా వాళ్లకు ఉష్ణోగ్రతతో కరిగిన మంచు నీటిలో విధులు నిర్వహించడానికి వీలవుతుందని తెలుస్తోంది. ఈ దుస్తుల వల్లనే జూన్ 15న జరిగిన ఘర్షణలో అల్పోష్ణస్థితి మరణాలను తగ్గించిందని అధికార వర్గాలు తెలిపాయి.
అక్సాయిచిన్లో పుట్టే గల్వాన్ నది వాస్తవాధీన రేఖ వెంబడి ప్రవహించి గస్తీ పాయింట్(పీపీ)- 14 వద్ద షాయోక్ నదిలో కలుస్తుంది. అంతకుముందు కేఎం-120 పోస్ట్ నుంచి పీపీ- 14 వరకు గస్తీ నిర్వహించే సమయంలో భారత బలగాలను నీటిలో దిగాల్సి వస్తుంది. ఫలితంగా దుస్తులతో పాటు బూట్లు తడిస్తాయని ఓ అధికారి చెప్పారు.
లద్దాఖ్ సెక్టార్ నుంచి అరుణాచల్ప్రదేశ్ వరకు ఎల్ఏసీ వెంబడి సైన్యాన్ని భారీగా మోహరించింది చైనా. ఓ వైపు భారత్తో సైనిక చర్చలు జరుపుతూనే ఇలా దూకుడుగా ప్రవర్తిస్తోంది. ఈ నేపథ్యంలో చైనా స్థావరాలకు ఎదురుగా భారత్ కూడా దీటుగా బలగాలను మోహరించేందుకు సిద్ధమవుతోంది.అంతకుముందు కేఎం-120 పోస్ట్ నుంచి పీపీ- 14 వరకు గస్తీ నిర్వహించే సమయంలో భారత బలగాలను నీటిలో దిగాల్సి వస్తుంది. దేశం మొత్తం ఘటన ప్రతి ఒక్క భారతీయుడు ని కలచివేసింది. ఇప్పుడు సైనికులు మరింత దృఢంగా తయారవుతాయి అని తెలిస్తే చాలా సంతోష పడతారు.
