తెలంగాణాపై కాంగ్ర.స్ అధిష్టానం పట్టువీడడం లేదు. పైగా తెలంగాణా ఏర్పాటు ప్రక్రియను మరింత వేగవంతం చేసింది. హైదరాబాద్ పాలన వ్యవహారాలు తేలిపోతే, తీర్మానం పార్లమెంటుకు వచ్చేస్తుంది. ఆ తరువాత ఆర్బిటరీగా ఎవరో ఒకర్ని పెడతారు కాబట్టి, మిగిలిన అధికారిక లాంఛనాల్లనీ వారు చూసుకుంటారు. హైదరాబాద్ తోనే సమస్య అంతా ముడిపడి వుందన్న సంగతిని కాంగ్రెస్ అధిష్టానం బాగా గుర్తించింది.
అందుకే ఆ సమస్యను చకచకా పరిష్కరిస్తే, చాలా వరకు సమస్యలు సద్దుమణుగుతాయని భావిస్తోంది. నిజానికి పనులన్నీ ప్రభుత్వం చేయాల్సింది.కానీ చిత్రంగా ఆంటోనీ, దిగ్విజయ్ లతో కమిటీ వేసింది పార్టీ. అసలు కేవలం తెలంగాణా ఏర్పాటుకు అనుగుణంగా సిఫార్సు వరకే కాంగ్రెస్ చేయాల్సింది. ఆ తరువాత కేబినెట్ నిర్ణయం, అసెంబ్లీ తీర్మానం, పార్లమెంటులో చర్చ వంటివి జరగాలి. ఈ క్రమంలోనే సాధ్యాసాధ్యాల కసరత్తు కూడా అదికారికంగా జరగాలి.
అలా కాకుండా ఇలా తను స్వంతంగా అన్నీ చేయడం అంటే, పార్టీకి ప్రభుత్వానికి మధ్య వున్న గీతను కాంగ్రెస్ పార్టీ చేరిపేస్తోందా? లేక ఎక్కడ ఉద్యమం పెద్దదవుతుందో అని హడావుడి పడుతోందా?
