Katamarayudu telugu movie review | Katamarayudu Movie Review Rating | Katamarayudu Review | Pawan Kalyan Katamarayudu

X
close save
crop image
x
TM
Sun, May 27, 2018 | Last Updated 7:29 pm IST

Menu &Sections

Search

క‌న్నా నియామ‌కంపై బిజెపిలో అసంతృప్తి : అలిగిన వీర్రాజు

క‌న్నా నియామ‌కంపై  బిజెపిలో అసంతృప్తి : అలిగిన వీర్రాజు
క‌న్నా నియామ‌కంపై బిజెపిలో అసంతృప్తి : అలిగిన వీర్రాజు
http://apherald-nkywabj.stackpathdns.com/images/appleiconAPH72x72.png apherald.com
భార‌తీయ జ‌న‌తా పార్టీ రాష్ట్ర నూత‌న‌ అధ్య‌క్షునిగా క‌న్నా ల‌క్ష్మీనారాయ‌ణ నియామ‌కంపై అసంతృప్తి బ‌య‌ట‌ప‌డుతోంది. క‌న్నా నియామ‌కాన్ని వ్య‌తిరేకిస్తూ  ప‌లువురు నేత‌లు రాజీనామాలు చేస్తున్నారు. తూర్పు గోదావ‌రి జిల్లా అధ్య‌క్షుడు, రాజ‌మండ్రి న‌గ‌ర అధ్య‌క్షుడు త‌మ ప‌ద‌వుల‌కు ఇప్ప‌టికే రాజీనామాలు చేశారు.వీరి బాట‌లోనే మరింత‌మంది రాజీనామాలు చేయ‌నున్న‌ట్లు స‌మాచారం. పార్టీ ఎంఎల్సీ, సీనియ‌ర్ నేత అయిన సోము వీర్రాజు కూడా క‌న్నా నియామ‌కంపై తీవ్ర అసంతృప్తితో ఉన్న‌ట్లు స‌మాచారం.
andhrapradesh-bjp-somu-virraju-kala-laxminaryana-t
క‌న్నాను కొత్త ప్రెసిడెంట్ గా నియ‌మిస్తూ జాతీయ నాయ‌క‌త్వం నిర్ణ‌యించిన సంగ‌తి అంద‌రికీ తెలిసిందే. ఆ మేర‌కు శ‌నివారం రాత్రి క‌న్నాకు ఉత్త‌ర్వులు కూడా అందాయి. అప్ప‌టి నుండి బిజెపి నేత‌ల్లో మిశ్ర‌మ స్పంద‌న క‌నిపిస్తోంది.  ఇపుడు రాజీనామాలు చేసిన ఇద్ద‌రు నేత‌లు కూడా వీర్రాజు మ‌ద్ద‌తుదారులే. సోమ‌వారం ఉద‌యం క‌న్నా జాతీయ అధ్య‌క్షుడు అమిత్ షాను క‌లిసేందుకు ఢిల్లీ బ‌య‌లుదేరారు. అయితే, క‌న్నాతో పాటు ఢిల్లీకి వెళ్ళాల్సిన వీర్రాజు మాత్రం ఆగిపోయార‌ట‌. 

andhrapradesh-bjp-somu-virraju-kala-laxminaryana-t

ఎందుకీ అసంతృప్తి ?
క‌న్నా ల‌క్ష్మీనారాయ‌ణ‌ను అధ్య‌క్షునిగా నియ‌మించ‌టంపై పార్టీలోని సీనియ‌ర్ల‌లో తీవ్ర అసంతృప్తి ఉన్న విష‌యం మాత్రం వాస్త‌వం. పార్టీలో ద‌శాబ్దాల‌పాటు ప‌నిచేస్తున్న నేత‌ల‌ను కాద‌ని కేవ‌లం ఐదేళ్ళ క్రిత‌మే పార్టీలోకి వ‌చ్చిన క‌న్నాకు అధ్య‌క్ష బాధ్య‌త‌లు అప్ప‌గించ‌టాన్ని సీనియ‌ర్లు జీర్ణించుకోలేక‌పోతున్నారు. అందులోనూ అధ్య‌క్ష ప‌ద‌వి రాద‌న్న కార‌ణంతో ఏకంగా పార్టీకి రాజీనామా చేసి వైసిపిలో చేరాల‌ని నిర్ణ‌యించుకున్న వ్య‌క్తికి అధ్య‌క్ష ప‌ద‌వి కట్ట‌బెట్ట‌టం ఎంత‌మాత్రం అంగీకారం కాద‌న్న‌ది కొంద‌రు సీనియ‌ర్ల వాద‌న‌.  కొంద‌రు సీనియ‌ర్ నేత‌ల మాట‌ల‌ను బ‌ట్టి జాతీయ నాయ‌క‌త్వం ఒత్తిడికి లొంగిపోయింద‌న్న భావ‌న క‌న‌బ‌డుతోంది. 

andhrapradesh-bjp-somu-virraju-kala-laxminaryana-t

సీనియ‌ర్లు ఏం చేస్తారు ?
రాష్ట్ర అధ్య‌క్షునిగా క‌న్నా నియామ‌కం పై అసంతృప్తి ఉన్నా ఎవ‌రు ఏమీ చేయ‌గ‌లిగేది లేదు. ఎందుకంటే. ప్ర‌స్తుతం అమిత్ షా నిర్ణ‌యించారంటే ప్ర‌ధాన‌మంత్రి న‌రేంద్రమోడి ఆమోదం లేకుండా జ‌రిగే ప‌నికాద‌న్న విష‌యం అంద‌రికీ తెలిసిందే. పార్టీకి సంబంధించిన ఏ విష‌య‌మైనా ఇద్ద‌రు క‌లిసే నిర్ణ‌యిస్తున్నారు. అందుకే అమిత్ షా పేరుతో ఉత్త‌ర్వ‌లు వ‌చ్చినా, ఆదేశాలు అందినా అది మోడి నిర్ణ‌య‌మే అన్న విష‌యం పార్టీలోని నేత‌ల‌కు బాగా తెలుసు. అందుకే మోడి మాట‌కు ఎదురు చెప్పే ప‌రిస్ధితి ప్ర‌స్తుతం పార్టీలో లేదు. అందునా ఏపి లాంటి రాష్ట్రంలో అస్స‌లుండ‌దు. పార్టీ బ‌లంగా ఉన్న ఉత్త‌రాధి రాష్ట్రాల్లో మోడి, అమిత్ ధ్వయానికి ఎదురులేద‌ని అనుకుంటున్న‌పుడు ఇక ఏపి సంగ‌తి చెప్ప‌నే అక్క‌ర్లేదు.


క‌న్నా వ‌ల్ల ఎంత లాభం ?
బ‌ల‌మైన కాపు సామాజిక‌వ‌ర్గానికి చెందిన సీనియ‌ర్ రాజ‌కీయ నేత క‌న్నా ల‌క్ష్మీనారాయ‌ణ వ‌ల్ల రాబోయే ఎన్నిక‌ల్లో కోస్తా జిల్లాల‌తో పాటు రాయ‌ల‌సీమ‌లో కొంతమేర పార్టీకి లాభం జ‌రిగే అవ‌కాశం ఉంద‌ని జాతీయ నాయ‌క‌త్వం అంచ‌నా వేస్తోంది. అందుకే పార్టీలో సీనియ‌రే కాకుండా కాపు సామాజివ‌క వ‌ర్గానికే చెందిన నేత అయిన‌ప్ప‌టికీ వీర్రాజు క‌న్నా క‌న్నా వైపే జాతీయ నాయ‌క‌త్వం మొగ్గు చూపింది. సామాజిక‌వ‌ర్గంలో కానీ లేదా రాజ‌కీయంగా కానీ వీర్రాజుతో పోల్చుకుంటే క‌న్నా గ‌ట్టి నేతే అన‌టంలో ఎవ‌రికీ సందేహాలు లేవు. రేప‌టి ఎన్నిక‌ల్లో కాపు సామాజిక‌వ‌ర్గం ఓట్ల‌ను క‌న్నా ఆక‌ర్షించ‌గ‌ల‌ర‌న్న ఉద్దేశ్యంతోనే అధ్య‌క్ష బాధ్య‌త‌లు అప్ప‌గించారు. మ‌రి, ఏ మేరకు స‌క్సెస్ అవుతారో చూడాలి.



andhrapradesh-bjp-somu-virraju-kala-laxminaryana-t
5/ 5 - (1 votes)
Add To Favourite
About the author

WORK LIKE A SERVANT AND LIVE LIKE A KING