ఈ నేపథ్యంలో పవన్ కళ్యాణ్ చంద్రబాబు చేసిన వ్యాఖ్యలపై ఘాటుగా ప్రతిస్పందించారు..చంద్రబాబు నాయుడుకు కొంచెమైన సిగ్గుంటే అలా మాట్లాడరు అని పవన్ అన్నాడు. తను ఒక కులాన్ని నమ్ముకుని రాజకీయాల్లోకి వచ్చినట్టుగా బాబు మాట్లాడటం సిగ్గు చేటు అని పవన్ అన్నాడు.
ఒకవేళ తను అలాంటి వాడినే అయితే, ఒక కులాన్ని నమ్ముకున్న వాడినే అయితే గత ఎన్నికల్లో తెలుగుదేశం పార్టీకి ఎందుకు మద్దతు పలుకుతా? అని పవన్ ప్రశ్నించాడు. తనపై కుల ముద్ర వేస్తున్న చంద్రబాబు నాయుడు గతంలో తన మద్దతును అడిగినప్పుడు ఈ విషయం తెలియదా అని పవన్ కల్యాణ్ ప్రస్తావించాడు.
బాబుగారు ఛీ కొట్టాలన్నా సిగ్గేస్తోందని పవన్ కల్యాణ్ తీవ్ర వ్యాఖ్య చేశాడు. మరొకవైపు తెలుగుదేశం పార్టీ నాయకులు కూడా పవన్ కళ్యాణ్ పై తీవ్రంగానే విరుచుకుపడుతున్నారు. ఎన్ని జిమ్మిక్కులు చేసిన వెండితెరపై నటించినట్టు రాజకీయంలో నటించి రక్తికట్టించిన ఓట్లు రాలవని ఎద్దేవా చేశారు పవన్ కళ్యాణ్ ని టిడిపి నాయకులు.