దిగజారుతున్న జాతి పరువుప్రతిష్ఠలు. రోజూ రాష్ట్రంలో మహిళలను వంచిస్తూ బ్రతికే ప్రముఖులు. తెరపై నాయకులు తెర వెనక బూతు బతుకులు. చెప్పేది శ్రీరంగనీతులు తొక్కేది తప్పుడు దార్లు.
అమెరికా షికాగో నగరంలో బయల్పడ్ద సెక్స్-రాకెట్. ఉభయ తెలుగు రాష్ట్రాల్లో కలకలం, కలవరం. ముఖ్యంగా ఈ ప్రభావం సినీపరిశ్రమ ఎక్కువనుకున్నాం! కాని అంతకు మించిన అవమానం. రాజకీయ నాయకులు ప్రభుత్వంలో ఉన్నత స్థాయిలో ఉన్నవారు నిజమెంతుందో తెలియదు కాని మీడియా ప్రముఖులు అందులో ఉన్నారని ఒక వెబ్-సైట్ ప్రచురించిన వార్త కలవరం కలిగిస్తుంది. అదే జరిగితే మన ప్రతిష్ఠాత్మక తెలుగుజాతి పరువు నయాగరా జలధారల్లో కొట్టుకుపోతోంది.
తానా (ఉత్తర అమెరికా తెలుగు సంఘం) లోనూ సినీ హీరోయిన్ల సెక్స్- రాకెట్ కు సంబంధించి కొత్త కొత్త కోణాలు వెలుగులోకి వస్తున్నాయి. ఆంధ్రప్రదేశ్ ప్రభుత్వంలోని ఉన్నత స్థాయి నాయకులకు అత్యంత సన్నిహితుడు అయిన ఉత్తర అమెరికా తెలుగు సంఘం (తానా) ప్రస్తుత అధ్యక్షుడు వేమన సతీష్ ను అమెరికా ఎఫ్.బి.ఐ పోలీసులు ఇదే అంశంపై నాలుగైదు సార్లు విచారించినట్లు విశ్వసనీయ వర్గాలు తెలిపాయి. సాంస్కృతిక కార్యక్రమాల పేరుతో జరిగే అసాంఘిక శక్తుల అరాచకాల పునాదులు ఆంధ్ర ప్రదేశ్ లోనే ఉన్నాయంటే సిగ్గుపడాల్సింది యావత్ తెలుగు జాతే.
వేమన సతీష్ తెలుగుదేశం పార్టీలో కూడా క్రియాశీలకంగానే ఉంటారు. కొంత మంది హీరోయిన్ల ను అమెరికా తీసుకెళ్ళటం తో పాటు, అక్కడ కార్యకలాపాల నిర్వహణ విషయంలో వేమన సతీష్ పేరు కూడా ఉండటం తో పోలీసులు ఈ విషయంలో ఆయన నుంచి సమాచారం తీసుకునే క్రమంలో ఇప్పటికే ఐదు సార్లు ఎఫ్.బి.ఐ పోలీసుల ఎదుట హాజరైనట్లు సమాచారం.
ఈ విషయంలో తానా కు చెందిన పలువురు ప్రముఖులు కూడా చిక్కుకునే సూచనలు కన్పిస్తున్నాయి. అందుకే ఈ సంఘంలో ఉన్న చాలా మంది నాయకులు ఈ వ్యవహారం వెలుగు లోకి వచ్చినప్పటి నుంచి తమ ఫోన్లు స్విచ్-ఆఫ్ చేసుకున్నట్లు చెబుతున్నారు. ఇదొక్కటే కాదు, సెక్స్ రాకెట్ కు సంబంధించి వెలుగు చూసిన డైరీలో ప్రస్తుతం ఏపీలో అత్యంత కీలకశాఖను నిర్వహిస్తున్న మంత్రిపేరు కూడా ఉందట. అంతే కాదు, ముఖ్యమంత్రికి అత్యంత సన్నిహితంగా ఉండే ఒక పార్లమెంట్ సభ్యుడి పేరు కూడా అందులో ఉందట.
"తీగలాగితే డొంకంతా కదులు తున్నట్లు" పలువురు రాజకీయ నాయకుల పేర్లు ఈ జాబితాలో ఉండటంతో అమెరికా తెలుగు సంఘంలో ఒక్కసారిగా కలకలం కలవరం రేగింది. అయితే ఎవరి పేరు ఎక్కడ నుంచి బయటికి వచ్చి పరువు పోతుందో అన్న చందంగా తానా నేతలు తర్జనభర్జనలు పడుతున్నాయి.
నాట్స్ (నార్త్ అమెరికా తెలుగు సంఘం)అయితే మాత్రం తమకు ఈవ్యవహారంతో ఎలాంటి సంబంధం లేదని చెబుతున్నారు. సెక్స్-రాకెట్ కు సంబందించిన వ్యవహారం లో చాలా మంది నేతల పేర్లు ఉన్నాయట. త్వరలోనే అవి కూడా బయటకు వచ్చే అవకాశం ఉందట. ఇప్పటివరకు ఆ సెక్స్-రాకెట్ నిర్వహించిన దంపతులను ఎఫ్.బి.ఐ పోలీసులు విచారించగా వారి డైరీ ద్వారా అందిన సమాచారం ప్రకారం కేవలం వారిద్దరూ మాత్రమే ఇప్పటి వరకూ చేసిన చీకటి వ్యాపారం దాదాపు ఆరు మిలియన్ డాలర్లు ($6000000/- ) అంటే సుమారు అక్షరాల ₹40 కోట్లలని ఎఫ్ బీ ఐ పోలీసులు నిర్ధారించినట్లు కూడా తెలుస్తోంది. ఇప్పుడు చాలా మంది తెలుగు ప్రముఖులు మీడియా సంస్థల పెద్దల పేర్లు కూడా వెలుగులోకి రావడం ఖాయంగా కనిపిస్తోంది.
