ఈ మద్య ఎలుకలు సృష్టిస్తున్న బీభత్సాలు చూస్తే నిజంగా షాక్ తినక మానరు. మొన్న వరంగల్‌లోని హోటల్లో ఓ వ్యక్తి భోజనం చేస్తుండగా వంకాయ కూరలో ఎలుక కనిపించింది. నిన్న అస్సాంలోఏటీఎం మిషన్‌లోకి దూరిన ఓ ఎలుక నోట్ల కట్టలను ముక్కలు ముక్కలుగా కొరికేసింది. తాజాగా మరోసారి వార్తల్లో నిలిచింది ఎలుక.
వివరాల్లోకి వెళితే..అమెరికాలోని ఒక్లహోమా రాష్ట్రం కటూసాలో ఉన్న వెండీ రెస్టారెంట్‌లో చోటు చేసుకుంది. బర్గర్లను తయారు చేయడానికి వాడే బన్స్ ప్యాకెట్లో ఓ మూషికరాజం చక్కగా కూర్చుని దర్శనమిచ్చింది. దీంతో రెస్టారెంట్లోనే పనిచేస్తున్న స్కై ఫ్రేమ్ అనే మహిళ.. వీడియో తీసి సోషల్ మీడియాలో పోస్ట్ చేసింది.
అంతేకాకుండా, ఆ వెండీ రెస్టారెంట్‌లో ఏదీ తినకండి… అంటూ క్యాప్షన్ కూడా పెట్టింది. అంతే కాదు ఆ కిచెన్ ఎంత అధ్వాన్నంగా ఉందో చూడండి..సిగర్ పీకలు పడి ఉన్నాయి..అంటూ మరో క్యాప్షన్ పెట్టింది. దాంతో ఆ వీడియో కాస్త సోషల్ మీడియాలో వైరల్ అయ్యింది. దీనిపై స్పందించిన రెస్టారెంట్ యాజమాన్యం ఈ ఘటనపై దర్యాప్తు ప్రారంభించామని తెలిపింది.
