పవర్ స్టార్ - జనసేన అధినేత పవన్ కళ్యాణ్ మాజీ భార్య రేణు దేశాయ్ ఈ మద్య నూతన జీవితంలోకి ప్రవేసించే సందర్భంలో నూతన వ్యక్తితో ఎంగేజ్మెంట్ చేసుకున్న సంగతి తెలిసిందే. తెలుగులో పవన్ కళ్యాణ్ కు జోడీగా "జానీ-బద్రీ" చిత్రాల్లో నటించిన రేణూ దేశాయ్ 2009లో పవన్ కళ్యాణ్ ను పెళ్లి చేసుకున్నారు. వీరికీ ఇద్దరు పిల్లలు. కొంతకాలం తర్వాత, వ్యక్తిగత కారణాల వల్ల 2012 లో రేణూ దేశాయ్, పవన్ కళ్యాణ్ విడాకులు తీసుకున్నారు. రేణూ తన పిల్లలు అకీరా, ఆద్యలతో కలిసి పుణెలో ఉంటున్నారు.
రేణూ దేశాయ్ తాను రెండో పెళ్లి చేసుకోవాలని అనుకుంటున్నట్లు ఆమె గతంలో ప్రకటించారు. ఇప్పుడు ఎంగేజ్మెంట్ ఫోటోలను కూడా రేణు దేశాయ్ సోషల్ మీడియాలో తన అభిమానుల కోసం పోష్ట్ చేసుకొని ఆనందాన్ని పంచుకున్నారు.
కాగా, పవన్ అభిమానులు మాత్రం ఈ విషయంలో రేణు దేశాయ్ పై విరుచుకు పడ్డారు. సోషల్ మీడియా వేదికగా దాడి చేశారు. వారి మాటల దాడికి ఆమె తగ్గకుండా సరైన సమయంలో సరైన విధంగా సమాధానాలతో ఎదురు దాడి చేశారు. తాను అనుకున్నట్టుగానే తన మనసుకు నచ్చిన మరో వ్యక్తితో ఆమె నిశ్చితార్థం జరుపుకున్నారు.
ఇదిలా ఉండగా తాజాగా, రేణూ నిశ్చితార్థం జరిగిన సందర్భంగా, పవన్ కళ్యాణ్ ట్విటర్‌ ద్వారా తన శుభాకాంక్షలు తెలిపారు.
‘కొత్త జీవితం ప్రారంభించబోతున్న మిస్.రేణూ దేశాయ్ గారికి నా హృదయపూర్వక శుభాకాంక్షలు. ఆమె ఆయురారోగ్యాలతో, ఐశ్వర్యాలతో, ప్రశాంతతతో, ఎల్లప్పుడూ సంతోషంగా ఉండాలని ఆ దైవాన్ని, ప్రకృతి మాతని ప్రార్థిస్తున్నా!” అని ట్వీట్ చేశారు.
My wholehearted wishes to Ms.Renu garu for entering a new phase of happiness.I wish and pray Almighty & the Mother Nature to bestow upon her abundant health, peace and prosperity.
పవన్ కళ్యాణ్ - ఆన్నాలెజ్నెవా అనే రష్యా యువతిని పెళ్లిచేసుకున్నారు. ఈ జంటకు ఒక బేబీ గర్ల్ కూడా ఉంది.
