ఒకప్పుడు నందమూరి బాలకృష్ణతో 'సమరసింహారెడ్డి' ఏ రేంజ్ లో హిట్ అయ్యిందో అందరికీ తెలిసిందే. బాలకృష్ణ కెరీర్ లో బ్లాక్ బస్టర్ చిత్రంగా నిలిచిన చిత్రం 'సమరసింహారెడ్డి'. అంత గొప్ప చిత్రాన్ని నిర్మించారు నిర్మాత, మాజీ ఎమ్మెల్యే చెంగల వెంకట్రావు. అలాంటి ఆ నిర్మాత పరిస్థితి ఇప్పుడు ఎంత దారుణంతో ఉందో తెలిస్తే షాక్ తింటారు. నిర్మాత, ఎమ్మెల్యేగా ఉన్న సమయంలో మనోడు చెప్పిందే వేదం..చేసేదే శాసనంగా ఉండేది.
ఎంతో హుందాగా బతికిన చెంగల వెంకట్రావు ఓ హత్యకేసులో యావజ్జీవ శిక్షను అనుభవిస్తూ, ఆరోగ్యం బాగాలేక విశాఖ కేజీహెచ్ ఆసుపత్రిలోని ఖైదీలు చికిత్స పొందే విభాగంలో ఉన్నారు. తాజాగా కలెక్టర్ ప్రవీణ్ కుమార్ చెంగల ఉన్న విభాగానికి వెళ్లి, అక్కడున్న ఖైదీలకు ఎటువంటి వైద్య సేవలు అందుతున్నాయో తెలుసుకున్నారు. ఈ సమయంలోనే పక్కన ఉన్న అధికారులు, ఆయన ప్రముఖ నిర్మాతని, మాజీ ఎమ్మెల్యే అని, యావజ్జీవ జైలు శిక్ష అనుభవిస్తున్నారని చెప్పడంతో కలెక్టర్ ఆశ్చర్యపోయారట.
చెంగల వెంకట్రావు వైద్యం ఎలా అందుతుందని వాకబు చేశారు. కాగా, పాయకరావుపేట అసెంబ్లీకి 2004లో ఎమ్మెల్యేగా గెలిచి, ఆపై 2009లో ఓడిపోయిన వెంకట్రావు, 2014లో వైసీపీలో చేరి ఓడిపోయారు. 2007లో నక్కపల్లి ప్రాంతంలో ఓ కంపెనీకి వ్యతిరేకంగా జరిగిన గొడవలో ఓ మత్స్యకారుడు మరణించగా, ఆ కేసులో వెంకట్రావు దోషిగా నిరూపితమై శిక్షననుభవిస్తున్నారు
