బుల్లితెరపై ఇప్పుడు బిగ్ బాస్ 2 సీజన్ నడుస్తుంది.  నాని హోస్ట్ గా వ్యవహరిస్తున్న బిగ్ బాస్ 2 లో పదమూడు మంది సెలబ్రెటీలు కాగా..ముగ్గురు కామన్ మాన్ తరుపు నుంచి వచ్చారు.  వారు మోడల్ సంజన, నూతన్ నాయుడు, గణేష్.  బిగ్ బాస్ లో మొదటి రోజే సంజన, నూతన్ నాయుడు లకు జైలు శిక్ష పడింది.  దాంతో సంజన సెలబ్రెటీలపై విరుచుకు పడింది..కామన్ మాన్స్ అన్న కారణంతోనే తమకు ఈ శిక్ష విధిస్తారా అంటూ రుసు రుసలాడింది.  ఇక బిగ్ బాస్ మొదటి ఎలిమినేషన్ సంజన కావడం మరో విశేషం. 
Image result for big boss 2 nutan naidu
ఆ తర్వాత రెండో ఎలిమినేషన్ లో నూతన నాయుడు అయ్యారు.  దాంతో బిగ్ బాస్ 2 పై విమర్శలు రావడం మొదలయ్యాయి.  కామన్ మాన్ అన్న కారణంతో ఒక్కొక్కర్ని కావాలనే నామినేషన్ చేస్తున్నారని విమర్శించారు.  ఇదిలా ఉంటే రెండో ఎలిమినేషన్ లోకి వెళ్లిన నూతన నాయుడు జనసేన అధ్యక్షుడు పవన్ కళ్యాన్ కి మంచి పరిచయస్తుడని వార్తలు వచ్చాయి. 

తాజాగా ఓ ఇంటర్వ్యూలో మాట్లాడుతూ..జనసేన అధినేత పవన్ కల్యాణ్ తో తనకు ఎప్పటి నుంచో పరిచయం ఉందని బిగ్ బాస్ రియాల్టీ షో కంటెస్టెంట్ నూతన్ నాయుడు తెలిపారు. సత్యానంద్ దగ్గర పవన్ ట్రైనింగ్ తీసుకున్నప్పటి నుంచి స్నేహం ఉందని చెప్పారు. పవన్ హీరోగా కాకుండా ఒక కామన్ మాన్ లా ఉండటాడని..సెలబ్రెటీ హోదా ఆయన ఎప్పుడూ అనుభవించలేదని అన్నారు. 

పవన్ వ్యక్తిత్వాన్ని తాను ఎంతగానో ఆరాధించానని చెప్పారు.  ప్రజారాజ్యం పార్టీలో పవన్ తో కలిసి పని చేశానని... ఆ తర్వాత కొంచెం గ్యాప్ వచ్చిందని తెలిపారు. జనసేన స్థాపించిన తర్వాత తన స్నేహితులు చాలా మంది ఆ పార్టీతో కలసి పని చేస్తున్నారని చెప్పారు. ఆయనతో ఉండాలని, కలసి ప్రయాణించాలని అనుకునేవాడినని తనకు మాత్రం ఇంకా ఆహ్వానం రాలేదని... కాకితో కబురు పంపినా ఆయన వద్దకు పరిగెత్తుకుంటూ వెళ్తానని తెలిపారు.


మరింత సమాచారం తెలుసుకోండి: