జగన్ తో సెల్ఫీ దిగిన ఈ అమ్మాయి పేరు అలేఖ్య ఏంజెల్. మిస్టర్ మణి, ఆనందం మళ్లీ మొదలైంది, లవ్ ఇన్ మలేసియా.. వంటి సినిమాల్లో హీరోయిన్ గా చేసింది. మోడలింగ్ రంగంలోనూ రాణిస్తోంది. 2017 ఫిబ్రవరి 18న లోటస్ పాండ్ లో జరిగిన ఓ మ్యూజిక్ ఆల్బమ్ రిలీజ్ ఫంక్షన్లో ఈ ఫొటో దిగినట్టు స్పష్టంచేసింది అలేఖ్య. ఆ కార్యక్రమానికి తన కుటుంబంతో సహా హాజరయ్యానని తెలిపింది. అదే సందర్భంలో జగన్ తో సెల్ఫీ దిగానని చెప్పుకొచ్చింది.
జగన్ తోనే కాదు.. పలువురు హీరోలు, సినీ ప్రముఖులతో కూడా పలు సందర్భాల్లో సెల్ఫీలు దిగింది అలేఖ్య ఏంజెల్. వాటన్నిటినీ పక్కనపెట్టి, జగన్ తో దిగిన సెల్ఫీనే ఏరికోరి ఎంచుకుని పవన్ అభిమానులు జగన్ ఇమేజ్ ని డ్యామేజ్ చేయడానికి ప్రయత్నించారు. పవన్ కల్యాణ్ కి తాను వీరాభిమానిని అని చెప్పిన ఆ అమ్మాయి ఇలాంటి చీప్ ట్రిక్స్ తో అలాంటి గ్రేట్ హీరో పరువు తీయొద్దని కాస్త గట్టిగానే హెచ్చరించింది. అయినా పవన్ కళ్యాణ్ అభిమానులు ఈ వ్యాఖ్యలు విన్న తరువాత అయినా మారతారో లేదో చూడాలి..!
