Indiaherald Group of Publishers P LIMITED

X
close save
crop image
x
TM
Wed, Jan 23, 2019 | Last Updated 9:16 am IST

Menu &Sections

Search

ఎడిటోరియ‌ల్ : చ‌ంద్ర‌బాబు భ‌య‌ప‌డుతున్నారా ? 80 శాతం సంతృప్తేమైంది ?

ఎడిటోరియ‌ల్ : చ‌ంద్ర‌బాబు భ‌య‌ప‌డుతున్నారా ? 80 శాతం సంతృప్తేమైంది ?
ఎడిటోరియ‌ల్ : చ‌ంద్ర‌బాబు భ‌య‌ప‌డుతున్నారా ? 80 శాతం సంతృప్తేమైంది ?
http://apherald-nkywabj.stackpathdns.com/images/appleiconAPH72x72.png apherald.com
త‌న పాల‌న‌పై జ‌నాల్లో 80 శాతం సంతృప్తి ఉంద‌ని చంద్ర‌బాబునాయుడు చెప్పుకోవ‌టం అంతా అబ‌ద్ధ‌మ‌ని తేలిపోయింది. నిజంగానే అంత స్ధాయిలో జ‌నాల్లో సంతృప్తే  ఉంటే పంచాయితీ ఎన్నిక‌లు వాయిదా వేయాల్సిన అవ‌స‌రం  ఏంటి ?  పంచాయితీ సర్పంచుల‌కు జ‌ర‌గాల్సిన ఎన్నిక‌ల‌ను వాయిదా వేస్తు ప్ర‌భుత్వం తాజాగా నిర్ణ‌యించిన సంగ‌తి అంద‌రికీ తెలిసిందే. స‌ర్పంచుల స్ధానంలో ప్ర‌త్యేకాధికారుల‌ను నియ‌మించాలంటూ ప్ర‌భుత్వం జిల్లాల క‌లెక్ట‌ర్ల‌ను ఆదేశించింది.  దాంతో ఎన్నిక‌లంటే చంద్ర‌బాబు భ‌య‌ప‌డుతున్న విష‌యం స్ప‌ష్ట‌మైపోయింది. 


పంచాయితీల‌కు ప్ర‌త్యేక‌ధికారులే

panchayat-eletions-post-poned-chandrababu-affraidi

రాష్ట్రంలోని 12,918 గ్రామ‌పంచాయితీల‌కు పద‌వీకాలం ఆగస్టు 1వ తేదీతో ముగిసింది. నిజానికి పై పంచాయితీల్లో ఎన్నిక‌లు నిర్వ‌హ‌ణ‌కు క‌నీసం రెండు నెల‌ల ముందే చ‌ర్య‌లు తీసుకోవాల్సిన ప్ర‌భుత్వం ఆ ప‌నిచేయ‌లేదు. పైగా ప‌ర్స‌న్ ఇన్చార్జిల‌ను నియ‌మించేందుకే  మొగ్గు చూపింది. అంటే ఎన్నిక‌లు నిర్వ‌హిస్తే ఫ‌లితాలు ఎలాగుంటుందో అన్న విష‌యంలో చంద్ర‌బాబులో ఆందోళ‌న స్ప‌ష్టంగా  క‌న‌బ‌డుతోంది.  సాధార‌ణ ఎన్నిక‌ల‌కు ముందు అంచ‌నాలు త‌ల్ల‌క్రిందులైతే  తెలుగుదేశంపార్టీకి త‌ల బొప్పి క‌ట్ట‌డం ఖాయం. దాని ప్ర‌భావం వ‌చ్చే ఎన్నిక‌ల‌పై ప‌డ‌టమూ ఖాయం. అందుకే పంచాయితీ ఎన్నిక‌ల‌ను నిర్వ‌హించే ధైర్యం చేయ‌లేక‌పోయారు. 


వాయిదాకు కార‌ణాలేంటి ? 


షెడ్యూల్ ప్ర‌కారం పంచాయితీ ఎన్నిక‌లు నిర్వ‌హించ‌టానికి ఎందుకు చంద్ర‌బాబు భ‌య‌ప‌డుతున్నారు ?  అంటే ప్ర‌భుత్వంపై జ‌నాల్లోని వ్య‌తిరేక‌త స్ప‌ష్టంగా క‌నిపిస్తోంది కాబ‌ట్టే. గ‌డ‌చిన నాలుగున్న‌రేళ్ళ పాల‌న అంతా అస్త‌వ్య‌స్ధ‌మే.  గ్రామ‌స్ధాయిలో అయితే చెప్ప‌నే అక్క‌ర్లేదు.  పేద‌ల‌కు అందాల్సిన సంక్షేమ‌ప‌థ‌కాల అమ‌లులో జ‌న్మ‌భూమి క‌మిటీల‌దే  మొత్తం పెత్త‌నం. ప్ర‌జాస్వామ్య ప‌ద్ద‌తిలో ఎన్నికైన స‌ర్పంచుల‌ను, వార్డు మెంబ‌ర్ల‌ను ప‌క్క‌న‌పెట్టేసి మొత్తం అధికారమంతా జ‌న్మ‌భూమి క‌మిటీల‌కు క‌ట్ట‌బెట్టేశారు. చాలా చోట్ల స‌ర్పంచులుగా టిడిపి మ‌ద్ద‌తుదారులే ఉన్నా ఉప‌యోగం లేక‌పోయింది.


మాఫియాగా త‌యారైన జ‌న్మ‌భూమి క‌మిటీలు

panchayat-eletions-post-poned-chandrababu-affraidi

జ‌న్మ‌భూమి క‌మిటీలేమో  సంక్షేమ ప‌థ‌కాల ల‌బ్ద‌దారుల ఎంపిక‌లో ఇష్టారాజ్యంగా వ్య‌వ‌హ‌రించాయి. చాలా గ్రామాల్లో అర్హుల‌ను ప‌క్క‌న‌పెట్టేసి అవినీతికి తెర‌లేపాయి. చివ‌ర‌కు టిడిపికి  సంబంధించిన వాళ్ళ‌కు కూడా ప‌థ‌కాలు అందాలంటే డ‌బ్బులు ముట్ట‌చెప్పాల్సిన ప‌రిస్ధితులు త‌లెత్తాయి. దాంతో మామూలు జ‌నాల‌తో పాటు టిడిపి మ‌ద్ద‌తుదారుల్లో కూడా జ‌న్మ‌భూమి క‌మిటీలంటే పెద్ద ఎత్తున వ్య‌తిరేక‌త వ‌చ్చేసింది. చివ‌ర‌కు జ‌న్మ‌భూమి క‌మిటీల పేరుతో పెద్ద మాఫియానే త‌యారైంద‌ని ప్ర‌తిప‌క్షాలు విమ‌ర్శించే స్ధాయికి చేరుకున్నాయి.   ప్ర‌తిప‌క్షాలే కాకుండా టిడిపి నేత‌లు కూడా అదే విధ‌మైన ఆరోప‌ణ‌లు చేయ‌టంతో పాటు ఒత్తిడి తేవ‌టంతో చంద్ర‌బాబు వేరే దారిలేక జ‌న్మ‌భూమి క‌మిటీల‌ను ర‌ద్దుచేశారు. క‌మిటీల‌ను ర‌ద్దు చేసినా వాటి తాలూకు ప్ర‌భావం అలానే ఉండిపోయింది. దాంతో జ‌నాల్లో ప్ర‌భుత్వంపై తీవ్ర‌స్ధాయిలో వ్య‌తిరేక‌త వ‌చ్చేసింది. 


ఎన్నిక‌లంటే అంత భ‌య‌ప‌డుతున్నారా ?


స‌రే, ఎప్పుడూ భ్ర‌మ‌ల్లో ఉండ‌టానికి అల‌వాటుప‌డిపోయిన చంద్ర‌బాబు మాత్రం త‌న పాల‌న‌పై జ‌నాల్లో ఎక్క‌డా వ్య‌తిరేక‌త లేద‌ని చెప్పుకుంటూ నెట్టుకొచ్చేస్తున్నారు. ఏ  స‌భ‌లో మాట్లాడినా, ఎప్పుడు స‌మీక్ష స‌మావేశ‌లు నిర్వ‌హించినా, టెలికాన్ప‌రెన్సుల్లో కూడా త‌న పాల‌న‌పై 80 జ‌నాల్లో సంతృప్తి క‌న‌బ‌డుతోందంటూ ఒక‌టే ఊద‌ర‌గొట్టేవారు.  నిజంగానే  అంత సంతృప్తి ఉంటే పంచాయితీ ఎన్నిక‌లు వాయిదా వేయాల్సిన అవ‌స‌రం ఏంటి ?  పాల‌న‌పై జ‌నాల అభిప్రాయం నిజంగా తెలిసేది  గ్రామ‌స్ధాయిల్లోనే. అటువంటి అభిప్రాయాన్ని తెలుసుకోవ‌టానికే చంద్ర‌బాబు  భ‌య‌ప‌డుతున్నారంటే దాని అర్ధ‌మంటో..... 



panchayat-eletions-post-poned-chandrababu-affraidi
5/ 5 - (1 votes)
Add To Favourite
More from author
ఎడిటోరియల్ : చంద్రబాబు పై కాపుల వ్యతిరేక ప్రచారం..జ్ఞానోదయమైందా ?
వైసిపిలో చేరిన టిడిపి ఎంఎల్ఏ..మేడా సస్పెన్షన్
హోదాకు సంతకాలు తీసుకోగలరా ?
అగ్రవర్ణాల మధ్య చంద్రబాబు చిచ్చు
ఎడిటోరియల్ :  రిజర్వేషన్లపై చంద్రబాబు సరికొత్త మోసం
ఎడిటోరియల్ : జగన్ పై విషం చిమ్ముతున్న మంత్రులు
ఎడిటోరియల్ : వంగవీటికి అంత సీన్ ఉందా ?
ఎడిటోరియల్ : రాధా రాజీనామా ఎఫెక్ట్..బోండాలో టెన్షన్
ఎన్ఐఏ విచారణే..తేల్చేసిన హై కోర్టు
ఎన్ఐఏ విచారణను వ్యతిరేకిస్తు పిటీషన్
వైసిపికి వంగవీటి రాజీనామా
ఎన్ఐఏ కేసులో చంద్రబాబుకు షాక్
 ‘యాత్ర’ బయోపిక్ లో జగన్ ?
సత్తెనపల్లిలో అంబటికి పొగ పెడుతున్నారా ?
‘బ్రీఫింగ్’ తర్వాతే విచారణకు హాజరయ్యారా ?
ఎడిటోరియల్ : ఎన్నికల్లోపు టిడిపిలో కీలక మార్పులు
ఎన్ఐఏ వల్లే విదేశీ ట్రిప్ క్యాన్సిల్ చేసుకున్నారా ?
జగన్ పై దాడి కేసు...పక్కా వ్యూహంతో ముందుకెళుతున్న టిడిపి
ఎడిటోరియల్ : చంద్రబాబుపై తలసాని ఎఫెక్ట్
About the author

Bharath has been the knowledge focal point for the world, As Darvin evolution formula End is the Start ... Bharath again will be the Knowledge Focal Point to the whole world. Want to hold the lamp and shine light on the path of greatness for our country Bharath.