ఏపీ రాజకీయాలలో తన పాదయాత్రతో తన పార్టీ గ్రాఫ్ ను అమాంతం పైకి పెంచేశారు వైసీపీ అధినేత జగన్. ముఖ్యంగా రాష్ట్రంలో ప్రజా సంకల్ప పాదయాత్ర వల్ల ఆంధ్రప్రదేశ్ రాష్ట్రంలో అధికారంలో ఉన్న తెలుగుదేశం పార్టీకి అలాగే ఆ పార్టీకి మద్దతుగా ఉన్న జనసేన బిజెపి పార్టీలకు తానేంటో నిరూపించారు జగన్. ఒకపక్క ప్రజలను ధైర్య పరుస్తూ మరోపక్క చంద్రబాబు ప్రభుత్వ అవినీతి పనులను బహిర్గతం చేస్తూ ముందుకు సాగుతున్నారు.
దీంతో జగన్ తలపెట్టిన ఈ ప్రజా సంకల్ప పాదయాత్ర ఏపీ ప్రజల్లో జగన్ ముఖ్యమంత్రి అయితే కచ్చితంగా రాష్ట్రం అభివృద్ధి చెందుతుందని బలంగా నాటుకుపోయింది. ఈ విషయమే తాజాగా ఇటీవల ఓ ప్రముఖ జాతీయ మీడియా ఛానల్ సర్వేలో తేలింది. దేశంలోనే జాతీయ చానల్లో మొట్ట మొదటి స్థానంలో ఉండే రిపబ్లిక్ టీవీ ఇటీవల ఆంధ్రప్రదేశ్ రాష్ట్రంలో లోక్ సభ ఎన్నికలను ప్రధానాంశంగా తీసుకుని ఓ సర్వే నిర్వహించింది.
రిపబ్లిక్ టీవీ- సీఓటర్ సంస్థ నిర్వహించిన సర్వేలో వైఎస్సార్ కాంగ్రెస్ పార్టీకి ఏకంగా 21 శాతం ఎంపీ స్థానాలు గెలుచుకోనున్నట్లు అంచనా వేసింది. ఇక అధికార తెలుగుదేశం పార్టీ కేవలం 4 స్థానాలు మాత్రమే గెలుచుకోనున్నట్లు తెలిపింది. ఇక కాంగ్రెస్, బీజేపీ ఖాతా కూడా తెరిచే అవకాశాలు లేనట్లు అంచనా వేసింది.
ఇక ఓట్ల శాతానికి వస్తే జగన్ 41.9 శాతం ఓట్లు సాధించనున్నారని, తెలుగుదేశం పార్టీ 31.4 శాతం ఓట్లు, బీజేపీ 12.5 శాతం, కాంగ్రెస్ 7.2 శాతం, ఇతరులు 7 శాతం ఓట్లు సాధించే అవకాశం ఉందని సర్వే అంచనా వేసింది. ఇతరుల్లో జనసేన ఉన్నట్లు స్పష్టమవుతోంది. ఇటీవల ఇండియా టూడే గ్రూప్ నిర్వహించిన ఫలితాల్లోనూ జగన్ కే ఆధిక్యత కనిపించిన విషయం తెలిసిందే. అయితే పాదయాత్ర ముగియకుండానే ఈ విధంగా వైసీపీ పార్టీ గ్రాఫ్ పేరిగిపోవడంతో వైసీపీ కార్యకర్తలలో నాయకులలో సంతోషం...రానున్న రోజుల్లో జగన్ కచ్చితంగా ముఖ్యమంత్రి అవుతారని ధీమా నెలకొంది.
