చంద్ర బాబు మీద పోసాని విమర్శలు బాణాల్లాగా తాకాయి. పోసాని ఏ విషయాన్ని అయినా కుండ బద్దలు కొట్టి చెబుతాడు. మరో సారి బాబు మీద పోసాని వీర శివుడి లా రెచ్చి పోయాడు. జగన్ ను హత్య చేయడానికి వస్తే, ఆయన లక్కీగా బతికారు. హత్య కేసును కాస్తా కోడి కత్తి కేసుగా మార్చేశారు. ఇదే కత్తిపోటు లోకేష్ కు తగిల్తే కోడి కత్తి కేసు అని రాస్తారా? లోకేష్ కు ఇదే కత్తిపోటు తగిలితే ఈ పాటికి వైజాగ్ ఎయిర్ పోర్టు ధ్వంసమైపోయేది." తమ రాజకీయాలకు, అవినీతికి అడ్డుతగులుతున్న జగన్ ను హతమార్చేందుకు టీడీపీ ఈ హత్యకు పాల్పడిందని ఆరోపించారు పోసాని. రాష్ట్రానికి చెందిన అపోజిషన్ లీడర్ పైనే హత్యకు కుట్ర జరిగితే, సానుభూతి తెలపాల్సింది పోయి, విలువలు లేకుండా మాట్లాడుతున్నారని చంద్రబాబును చీల్చిచెండాడారు.
"కంట్లో నలకలాగ జగన్మోహనరెడ్డి మీకు అడ్డమొస్తున్నారు. లేపేస్తే పోలా అని ఆలోచించారు. లక్కీగా మిస్ అయింది. అంతే వెంటనే కోడి కత్తి కేసు అంటున్నారు. ఓ మనిషిపై హత్యాయత్నం జరిగింది. ఏకంగా ప్రతిపక్షనాయకుడిపై జరిగింది ఈ కుట్ర. అలాంటి హత్యాయత్నంపై విలువలు లేకుండా మాట్లాడుతున్నావు. నిన్ను ఏమనాలి చంద్రబాబు." చంద్రబాబు గుట్లు అన్నీ తనకు తెలుసని, ఏఏ వ్యవస్థల్లో చంద్రబాబు మనుషులు ఎవరున్నారో అన్నీ తనకు తెలుసంటూ సంచలన ప్రకటన చేశారు పోసాని. కేవలం సంస్కారం అడ్డొచ్చి, ఆ నిజాల్ని బయటపెట్టలేకపోతున్నానని ప్రకటించారు.
"చంద్రబాబుకు సంబంధించిన నిజాలు నాకు చాలా తెలుసు. కానీ సాక్ష్యాలు లేవు. ఎన్ని వ్యవస్థల్లో చంద్రబాబు మనుషులు ఉన్నారో నాకు తెలుసు. వాళ్ల పేర్లు కూడా తెలుసు. ఇక నేను బతికినా, బతక్కపోయినా వేస్ట్ అని ఎప్పుడు ఫీల్ అవుతానో, అప్పుడు ఆ నిజాలన్నీ బయటపెడతా. నాకు సంస్కారం గుర్తొచ్చి ఆ పేర్లు బయటపెట్టడం లేదు. కొన్ని కుటుంబాలు నాశనమైపోతాయని భయపడి నిజాలు చెప్పడం లేదు." అని పోసాని తనదైన శైలిలో విరుచుకుపడ్డాడు.
