టీడీపీ ఎంపీ శివ ప్రసాద్ ది విచిత్రమైన ప్రవర్తన అని చెప్పాలి. పార్లమెంట్ లో సీరియస్ గా ప్రత్యేక హోదా గురించి పోరాడాల్సింది పోయి పిచ్చి, పిచ్చి వేషధారణలు వేసి ఏపీ పరువు పోగొడుతున్నాడనని ప్రజలు అభిప్రాయ పడుతున్నారు. రోజుకో వేషధారణతో.. అందరిని ఎంటర్ టైన్ చేస్తుంటారు ఎంపీ శివప్రసాద్. ఇప్పటివరకు ఆయని వేయని వేషం లేదు. ఆయన ఫిజిక్ కు సూటయ్యే అన్ని పాత్రల్ని ఆయన వేసేశారు.
శివప్రసాద్ సినిమా ఆర్టిస్ట్. దాదాపు 30 ఏళ్లనుంచి ఇండస్ట్రీలో ఉన్నారు. ఆయనకు సినిమా అంటే ప్రాణం. అందుకే.. తనకు బాగా తెలిసిన సినిమా భాషలోనే ప్రత్యేక హోదా కోసం ఢిల్లీలో పోరాడుతున్నారు. ఆయన భావం మంచిదే - కానీ ఆయన ఎంచుకున్న విధానమే సరికాదని చాలామంది అభిప్రాయం. పార్లమెంట్కు వచ్చేవాళ్లు - పోయేవాళ్లు - మిగిలిన ఎంపీలు - అధికారులు.. శివప్రసాద్ ని చూసి.. ఏదో మ్యాజిక్ జరుగుతుందని ఫీల్ అవుతున్నారు తప్ప.. అక్కడ ఒక ఎంపీ.. తమ రాష్ట్ర ప్రజల కోసం పోరాడుతున్నారని ఎవ్వరూ అనుకోవడం లేదు.తెలంగాణ ఉద్యమాన్ని కేసీఆర్ ఎలా నడిపారో అందరూ చూశారు.
మొన్నటికి మొన్న తమిళనాడు - మహారాష్ట్ర రైతులు తమ ఉద్యమ తడాఖాను ఎలా చూపించారో అందరికి తెలుసు. ఆ విధంగా ప్రత్యేక హోదా కోసం పోరాడకుండా.. ఇలా పగటి వేషగాళ్లలా రోజుకో వేషం వేసుకుంటే ఎవరు చూస్తారు సార్ అని ప్రశ్నిస్తున్నారు ఏపీ ప్రజలు. వెనుకున్న ఎంపీలు నవ్వుతుంటారు - ముందున్న శివప్రసాద్ కామెడీ చేస్తుంటాడు అంటూ ఇప్పటికే జోక్ లు పేలుతున్నాయి.
