రామ్ గోపాల్ వర్మ నిత్యం వివాదాలతో సావాసం చేస్తుంటాడు. అయితే వర్మ లేటెస్ట్ గా తీస్తున్న లక్ష్మీస్ ఎన్టీఆర్ సినిమా రాజకీయాల్లో ప్రకంపనలు రేపుతోంది. అయితే ఈ సినిమాను తాను ఎందుకు తీయాల్సి వచ్చిందో అనే విషయాన్ని దర్శకుడు వర్మ ఒక వాయిస్ మెసేజ్ ద్వారా తెలియజేశాడు. ఆ వాయిస్ మెసేజ్ లో వర్మ.. 1989 అసెంబ్లీ ఎన్నికల్లో ఆయన దారుణంగా ఓడిపోయారు. అధికారం కోల్పోయిన ఆయన ఆరోగ్యం పాడైంది.
ఆ సమయంలో ఆయన కుటుంబ సభ్యులు ఎవరు కూడా పట్టించుకోక పోవడంతో ఏకాకి అయ్యాడు. ఆ సమయంలో లక్ష్మీ పార్వతి అనే స్త్రీ ఆయన జీవితంలోకి ప్రవేశించింది. వారిద్దరి మద్య మొదలైన సంబంధం రాష్ట్ర రాజకీయాలను ఎలా మార్చేసింది ఆ సంబంధం ఎన్టీఆర్ జీవితాన్ని ఎలా మార్చింది అనే విషయాలను సినిమాలో చూపించబోతున్నాము.25 సంవత్సరాలుగా కొన్ని అబద్దాలు నిజాలుగా చెలామణి అవుతున్నాయి నిజాలను గోతిలో పాతి పెట్టారు.
రాజకీయ మోసగాళ్ల మొహం మీద ఉన్న ముసుగును ఈ చిత్రంతో తీసేస్తానంటూ వర్మ చెబుతున్నాడు. ఎన్టీఆర్ - లక్ష్మీ పార్వతిల మద్య ఏర్పడిన సంబంధం - ఆ తర్వాత జరిగిన పరిణామాలు వైస్రాయ్ ఉదంతం సమయంలో ఎన్టీఆర్ పడ్డ మానసిక క్షోభను ఈ చిత్రంలో చూపిస్తాం. ఆ సమయంలో ఎన్టీఆర్ ఎన్నో సార్లు బోరున ఏడ్చారు. ఎన్టీఆర్ గారిని మోసం అనే విషం పూసిన కత్తితో వెన్ను పోటు పొడిచారు. ఎన్టీఆర్ వంటి మహామనిషి చావుకు కారణం అయిన ప్రతి ఒక్కరిని ఈ చిత్రం ద్వారా ప్రజా కోర్టులో నిలబెడుతా - ప్రపంచ వ్యాప్తంగా ఉన్న తెలుగు వారే న్యాయ నిర్ణేతలు. కట్టప్ప బాహుబలిని వెన్ను పోటు పొడిచాడు అది కల్పితం - కాని ఎన్టీఆర్ వెన్ను పోటు అనేది యదార్థం.
