Indiaherald Group of Publishers P LIMITED

X
close save
crop image
x
Sat, Oct 19, 2019 | Last Updated 10:27 pm IST

Menu &Sections

Search

పాకిస్తాన్ కొత్త పలుకులు విన్నారా ..!

పాకిస్తాన్ కొత్త పలుకులు విన్నారా ..!
పాకిస్తాన్ కొత్త పలుకులు విన్నారా ..!
http://apherald-nkywabj.stackpathdns.com/images/appleiconAPH72x72.png apherald.com

పాకిస్థాన్ పైకి ఒకటి చెప్పి లోపల మరొకటి చేసే బుద్దులు ఎప్పుడు చేస్తూనే ఉంటుంది. అయితే తాజాగా 'యుద్ధం అంటూ మొదలైతే ఆపడం నా చేతుల్లో వుండదు, భారత ప్రధాని నరేంద్రమోడీ చేతుల్లోనూ వుండదు..' అంటూ సన్నాయి నొక్కులు నొక్కుతున్నాడు పాకిస్తాన్‌ ప్రధాని ఇమ్రాన్‌ ఖాన్‌. తమ దేశంలోకి భారత వైమానిక దళం చొచ్చుకు వచ్చినందున, తామూ సమాధానం చెప్పామనీ, ఈ క్రమంలో భారత వైమానిక దళానికి చెందిన రెండు యుద్ధ విమానాల్ని కూల్చేశామని చెప్పిన ఇమ్రాన్‌ఖాన్‌, భారత వాయుసేన కూల్చేసిన పాక్‌ యుద్ధ విమానం గురించి మాత్రం పెదవి విప్పలేదు.

imran-khan-narendra-modi-pakisthan-india

ఇదిలావుంటే, భారత వైమానిక దళం ఓ యుద్ధ విమానాన్ని కోల్పోయిందని భారత విదేశాంగశాఖ అధికారికంగా ప్రకటించింది. పైలట్‌ మిస్‌ అయ్యారనీ, ఆ పైలట్‌ ఆచూకీ తెలియలేదనీ వెల్లడించిన భారత విదేశాంగ శాఖ, తమ వద్దనే అతను బందీగా వున్నాడని పాక్‌ చెప్పిన విషయాన్ని ప్రస్తావించింది. దీన్ని తామింకా ధృవీకరించుకోవాల్సి వుందని అంటోంది భారత విదేశాంగ శాఖ. పాకిస్తాన్‌ భూ భాగంలో భారత వైమానిక దళం సర్జికల్‌ స్ట్రైక్స్‌ నిర్వహించిన దరిమిలా, పాకిస్తాన్‌ వెన్నులో వణుకు మొదలైన మాట వాస్తవం.

imran-khan-narendra-modi-pakisthan-india

'అబ్బే, అస్సలేమీ జరగలేదు.. ఓ పది చెట్లు కూలిపోయాయంతే..' అంటూ పాకిస్తాన్‌కి చెందిన పలువురు అధికారులు సోషల్‌ మీడియా వేదికగా అధికారిక ప్రకటనలు చేసేశారుగానీ, నష్టం తీవ్రస్థాయిలో వుండబట్టే ఎఫ్‌-16 యుద్ధ విమానాలతో భారత్‌పైకి తెగబడేందుకు ప్రయత్నించింది పాకిస్తాన్‌. యుద్ధం వద్దంటూ ఇప్పుడు ఇమ్రాన్‌ ఖాన్‌ శాంతి వచనాలు పలకడం వల్ల ఉపయోగంలేదు. భారత్‌తో యుద్ధమే వద్దనుకుంటే, ఇమ్రాన్‌ఖాన్‌ ప్రధాని పీఠమెక్కుతూనే పాకిస్తాన్‌లో తీవ్రవాద సంస్థల అంతుచూడాల్సి వుంది. కానీ, ఆయనకి అంత సీన్‌ లేదు. కారణం ఆ తీవ్రవాద సంస్థల మద్దతుతోనే ఇమ్రాన్‌ ఖాన్‌ ప్రధాని పీఠమెక్కాడు మరి. పుల్వామా తీవ్రవాద ఘటన జరిగిన తర్వాత, ఇన్నాళ్ళకు ఇమ్రాన్‌ ఖాన్‌ మొసలి కన్నీరు కార్చాడు. ఆ ఘటన తమను తీవ్రంగా కలచివేసిందని చెప్పాడు. 

imran-khan-narendra-modi-pakisthan-india
5/ 5 - (1 votes)
Add To Favourite