పిల్లలకు తండ్రిని మించిన మార్గదర్శకుడు ఇంకొకడుండడు. చిన్నప్పుడు వేలుపట్టి, అక్షరం దిద్దించి, నడిపించడం దగ్గర నుంచే తండ్రి పిల్లలకు మార్గదర్శకత్వం చేయడం మొదలుపెడతాడు. బిడ్డలను సక్రమమైన మార్గంలో నడిపించి ఉన్నత స్థానంలో నిలబెట్టాలనుకుంటాడు. తాను సక్రమమైన మార్గంలో నడుస్తూ పిల్లలకు స్ఫూర్తిగా నిలుస్తాడు. అందుకే, ప్రతి ఒక్కరి జీవితంలో తండ్రికి ప్రత్యేక స్థానం ఉంటుంది. ఇంకొంత మందికి నాన్నే సర్వము.
ఆయనే వాళ్లకు సూపర్ హీరో. అందుకే, అంత గొప్ప నాన్న కోసం ఒక రోజును కేటాయించారు. ఎప్పుడూ బిజీగా ఉండే మనం ఆ ఒక్క రోజైనా కాస్త నాన్న జ్ఞాపకాలను గుర్తుచేసుకోవాలని ఈ రోజును పెట్టినట్టున్నారు. ప్రపంచ వ్యాప్తంగా ఏటా జూన్ మూడో ఆదివారం ఫాదర్స్ డేను నిర్వహిస్తున్నారు. నేడు ఫాదర్స్ డేను పురష్కరించుకుని పిల్లలంతా తమ తండ్రులకు ఫాదర్స్ డే శుభాకాంక్షలు తెలుపుతున్నారు.
తెలుగుదేశం పార్టీ నేత, మాజీ మంత్రి నారా లోకేష్ కూడా ట్విట్టర్ ద్వారా శుభాకాంక్షలు తెలియజేశారు. తన తండ్రి, ఏపీ మాజీ ముఖ్యమంత్రి చంద్రబాబు నాయుడితో తనకు ఉన్న అనుబంధాన్ని గుర్తు చేసుకున్నారు. ‘ప్రజలే కుటుంబంగా జీవించే మీకు కొడుకుగా పుట్టడం నా అదృష్టం. నా ప్రతి అడుగులో మీరున్నారు. రాజకీయాలు, ప్రజాసేవ ప్రతి రంగంలో మీ నుంచి ఎన్నో నేర్చుకున్నాను. ప్రతి ఓటమిని గెలుపు వైపు అడుగుగా మార్చుకుని కొనసాగే నాయకుడిగా, ఎప్పటికీ మీరే నాకు ఆదర్శం నాన్న’ అని లోకేష్ ట్వీట్ చేశారు.
బాబు మరియ లోకేష్ ల అనుబంధం గురించి జనులకు ప్రత్యేకంగా చెప్పనక్కర్లేదు. ఎన్నికల ఫలితాల తరువాత ఎంతో ఆవేదన చెందిన లోకేష్ ను చంద్రబాబు గారు ఊరడించి, ధర్యం చెప్పారు. తండ్రి కొడుకుల అనుభందం వీరిని దగ్గరగా చుసిన ఎవరికైన అర్ధమౌతుంది. చంద్ర బాబు గారు అంత పెద్ద స్థాయిలో ఉండి కూడా.. తండ్రిగా, భర్తగా, అన్నదమ్ముడిగా తన భాద్యతను పక్కాగా నెరవేర్చుతారననడంలో యెంత మాత్రమూ సందేహం లేదు.
