పోడు భూముల నుండి పొమ్మంటారా ?
అటవీ హక్కులు సమగ్రంగా గుర్తించకుండానే అటవీ భూములలో 'హరిత హారం' పేరుతో మొక్కల పెంపకం చేపట్టడంతో తరచూ తెలంగాణలో ఆదివాసీలకు, అటవీ శాఖాధికార్లకు మధ్య ఘర్షణలు తలెత్తుతున్నాయి. ఈ కారణంగానే అటవీ అధికారులకు మరిన్ని అధికారాలు కట్టబెడుతూ రూపొందించిన ముసాయిదా చట్టం ఆదివాసీలను భయభ్రాంతులకు గురిచేస్తున్నది. కార్పొరేట్‌ రంగానికి, కలప ఆధారిత పరిశ్రమలకు కలప సమకూర్చేవిధంగా 'ఉత్పాదక అడవుల' పేరుతో కొత్త విధానం వచింది.
'తెలంగాణ అటవీ చట్టం- 2019 ముసాయిదాలో పేర్కొన్న పలు అంశాలు ఆదివాసీల జీవనోపాధిని దెబ్బతిసేవిగా ఉన్నాయి. కనుక రాజ్యాంగం ఐదవ షెడ్యూలు కింద పేర్కొన్న గిరిజన సలహా మండలి సిఫార్సుల కోసం ఈ ముసాయిదాను పంపించాలి. ఆదివాసీల అటవీ హక్కులు హరించే విధంగా ప్రస్తుత 'అటవీ చట్టం -1967' స్థానంలో 'తెలంగాణ అటవీ చట్టం- 2019' ముసాయిదాను కేసీఆర్ ప్రభుత్వం రూపొందించింది. అన్యాయానికి గురయిన ఆదివాసీల అటవీ హక్కుల గుర్తింపునకు ఉద్దేశించిన కేంద్ర ప్రభుత్వపు 'అటవీ హక్కుల చట్టం- 2006', అలాగే 'షెడ్యూల్డు ప్రాంత పంచాయితీరాజ్‌ విస్తరణ (పెసా) చట్టం- 1996'కు ప్రభుత్వ ముసాయిదా పూర్తిగా విరుద్ధం. పోడు భూముల నుంచి ఆదివాసీలను పొమ్మనకుండా పొగపెట్టే విధంగా కఠిన నియమాలతో ఈ ముసాయిదా ఉండటం గర్హనీయం.' అంటున్నారు, ఆదివాసీ హక్కుల కార్యకర్త డా. పల్లా త్రినాథరావు.
ఆదివాసీల, ప్రజాస్వామిక సంఘాలతో చర్చించిన తర్వాతనే తెలంగాణ అటవీ చట్టం- 2019 ముసాయిదాను ప్రభుత్వం ఆమోదించాలి. ముసాయిదా చట్టాన్ని యథావిధిగా శాసనంగా తీసుకువచ్చినట్లయితే ఆదివాసీలను ఆందోళనకు గురిచేసి వారి అటవీ హక్కులను హరించినట్లవుతుంది అని ఆదివాసీల హక్కుల కోసం పనిచేస్తున్న కార్యకర్తలు అంటున్నారు.
అటవీ హక్కులు సమగ్రంగా గుర్తించకుండానే అటవీ భూములలో 'హరిత హారం' పేరుతో మొక్కల పెంపకం చేపట్టడంతో తరచూ తెలంగాణలో ఆదివాసీలకు, అటవీ శాఖాధికార్లకు మధ్య ఘర్షణలు తలెత్తుతున్నాయి. ఈ కారణంగానే అటవీ అధికారులకు మరిన్ని అధికారాలు కట్టబెడుతూ రూపొందించిన ముసాయిదా చట్టం ఆదివాసీలను భయభ్రాంతులకు గురిచేస్తున్నది. కార్పొరేట్‌ రంగానికి, కలప ఆధారిత పరిశ్రమలకు కలప సమకూర్చేవిధంగా 'ఉత్పాదక అడవుల' పేరుతో కొత్త విధానం వచింది.
'తెలంగాణ అటవీ చట్టం- 2019 ముసాయిదాలో పేర్కొన్న పలు అంశాలు ఆదివాసీల జీవనోపాధిని దెబ్బతిసేవిగా ఉన్నాయి. కనుక రాజ్యాంగం ఐదవ షెడ్యూలు కింద పేర్కొన్న గిరిజన సలహా మండలి సిఫార్సుల కోసం ఈ ముసాయిదాను పంపించాలి. ఆదివాసీల అటవీ హక్కులు హరించే విధంగా ప్రస్తుత 'అటవీ చట్టం -1967' స్థానంలో 'తెలంగాణ అటవీ చట్టం- 2019' ముసాయిదాను కేసీఆర్ ప్రభుత్వం రూపొందించింది. అన్యాయానికి గురయిన ఆదివాసీల అటవీ హక్కుల గుర్తింపునకు ఉద్దేశించిన కేంద్ర ప్రభుత్వపు 'అటవీ హక్కుల చట్టం- 2006', అలాగే 'షెడ్యూల్డు ప్రాంత పంచాయితీరాజ్‌ విస్తరణ (పెసా) చట్టం- 1996'కు ప్రభుత్వ ముసాయిదా పూర్తిగా విరుద్ధం. పోడు భూముల నుంచి ఆదివాసీలను పొమ్మనకుండా పొగపెట్టే విధంగా కఠిన నియమాలతో ఈ ముసాయిదా ఉండటం గర్హనీయం.' అంటున్నారు, ఆదివాసీ హక్కుల కార్యకర్త డా. పల్లా త్రినాథరావు.
ఆదివాసీల, ప్రజాస్వామిక సంఘాలతో చర్చించిన తర్వాతనే తెలంగాణ అటవీ చట్టం- 2019 ముసాయిదాను ప్రభుత్వం ఆమోదించాలి. ముసాయిదా చట్టాన్ని యథావిధిగా శాసనంగా తీసుకువచ్చినట్లయితే ఆదివాసీలను ఆందోళనకు గురిచేసి వారి అటవీ హక్కులను హరించినట్లవుతుంది అని ఆదివాసీల హక్కుల కోసం పనిచేస్తున్న కార్యకర్తలు అంటున్నారు.
