నీ జ్ఞాపకాలతో మధురం ప్రతిక్షణం
నీ గొంతుతో కోకిల ఎప్పుడూ సాగించును రణం
నీ కోసమే వేచెను ఏనాటికి ఈ నా ప్రాణం
నీ తోడు లేనిదే సార్ధకతలేనిది ఈ నా జీవనప్రయాణం
కాలగమనమున కలిసిపోయిన ప్రతిక్షణమూ నీ తలపే
జీవితగమనమున గడిచిపోయే ప్రతి అడుగు నీ వైపే
నాకు తెలిసి నా ప్రతిరూపము కూడా నీ రూపే
నను గమనించే ప్రతి వెలుగు నాకు నీ చూపే
నా ఈ భావనలో నిజం తెలియని ప్రతిక్షణం స్వర్గం
నా ఈ మధురస్మృతులు కలైతే సరితూగదు నరకం
ఇది నిజమైతే కలలను దాటి పరిగెడుతుంది నా మౌనం
ఆ పరుగులలో నీ రూపుకై వెతుకుతుంది నా నయనం
నిను చూడలేని క్షణం చలించదు నా మనసు
నీవు లేని ఈ లోకం నాకు కంటినలుసు
మదిలో ఏనాటికి నీ రూపమే కొలువయ్యేది అని నాకు తెలుసు
నిను చేరుకోవటం కొరకే నా ఈ పయనం అని నాకు తెలుసు
మరింత సమాచారం తెలుసుకోండి: