కనుచూపు మేరలో నాకు కనిపించే నా నీడ కూడా తనవైపు వెళ్ళిపోయింది
నన్ను నన్నుగా నిరూపించే నా జీవితం కూడా ఈ క్షణం తనదయిపోయింది
ఎందుకో తెలుసా...
అనుకరించలేని అద్భుత జీవనయానం తనది
నే తలతిప్పలేని, కన్నార్పలేని సుందరవదనం తనది
నా జన్మకి సార్ధకత కల్పించేందుకు దేవుడు సృష్టించిన జననం తనది
నా జీవితానికి నిజమైన అర్ధం చేకూరేందుకు ఇకపై నా ఈ పయనం తనది
అపురూపమైన లావణ్యానికి నిలువెత్తు రూపం నా చెలి
ఎన్నడూ చవిచూడని మాధుర్యానికి అసలు రూపం తన మాటల జరి
తన కనుసైగలే నా అరచేతిరేఖలుగా మారిన ఈ వేళ
తన చెక్కిలిపై నా పెదవుల ముద్రను వేయాలనుంది
తన నిశ్వాసలే నా ఊపిరిగా మారిన ఈ వేళ
అగ్నిదేవుని సాక్షిగా ఏడడుగులను వేయాలనుంది
తన ప్రాణాలే నా సర్వస్వంగా మారిన ఈ వేళ
తన అడుగడుగున బాసటగా నిలవాలనుంది
తన మాటలే నా కవిత్వంగా మారిన ఈ వేళ
తన మాటల్లో భావంగా కలిసిపోవాలనుంది
మరింత సమాచారం తెలుసుకోండి: