ബ്രൂക്ലിനിലെ സ്വകാര്യ ക്ലബ്ബിലുണ്ടായ വെടിവെയ്പ്പിൽ നാലുപേർ കൊല്ലപ്പെട്ടു. അഞ്ച് പേർക്ക് പരിക്കേൽക്കുകയും ചെയ്തിട്ടുണ്ട്. യൂട്ടിക്ക അവന്യുവിലെ സ്വകാര്യ ക്ലബ്ബിലാണ് വെടിവെയ്പ്പ് ഉണ്ടായതെന്നാണ് പ്രാഥമിക നിഗമനം.  പ്രാദേശിക സമയം രാവിലെ ഏഴ് മണിയോടെയാണ് വെടിവെയ്പ്പ് ഉണ്ടായതെന്ന് ന്യൂയോർക്ക് ഫയർ ഡിപ്പാർട്മെന്‍റ് വ്യക്തമാക്കി. പൊലീസ് സ്റ്റേഷന് സമീപത്ത് സ്ഥിതിചെയ്യുന്ന ക്ലബ്ബിലാണ് വെടിവെയ്പ്പ് ഉണ്ടായത്. ഒന്നിലധികം ആളുകളെ ചോദ്യം ചെയ്യാനായി കസ്റ്റഡിയിലെടുത്തിട്ടുണ്ടെന്നും സംഭവത്തിന് പിന്നിലെ കാരണം ഇതുവരെയും വ്യക്തമായിട്ടില്ലെന്നും പൊലീസ് പറഞ്ഞു. നേരത്തെയും ഇവിടെ സമാനമായ അക്രമങ്ങൾ അരങ്ങേറിയതായി റിപ്പോർട്ടുകളുണ്ട്. പരിക്കേറ്റവരുടെ ആരോഗ്യനിലയിൽ ആശങ്കയില്ലെന്നാണ് റിപ്പോർട്ട്. ഒരാളുടെ കൈയ്യിലും മറ്റുരണ്ടുപേരുടെ കാലിലുമാണ് വെടിയേറ്റിരിക്കുന്നത്.

మరింత సమాచారం తెలుసుకోండి: