తిరుమల తిరుపతి  శ్రీవారి వార్షిక సాలకట్ల బ్రహోత్సవాలలో భాగంగా చివరి రోజున నిర్వహించే శ్రీచక్ర స్నానానికి అత్యంత ప్రాధాన్యత ఉంది. శ్రీవేంకటేశ్వరుని అవతార నక్షత్రమైన శ్రవణం పర్వదినాన ఈ చక్రస్నానం నిర్వహించడం జరుగుతుంది. చక్రస్నానంతో సంపూర్ణ ఆరోగ్యం సిద్ధిస్తుందని  భక్తుల అందరి నమ్మకం. శ్రీ భూసమేతమలయప్పస్వామి, సుదర్శన చక్రాన్ని పవిత్ర పుష్కరిణీజలంలో ముంచి, స్నానం చేయించడం జరుగుతుంది. ఈ దివ్యాయుధ స్పర్శవల్ల పుష్కరిణీ జలాలకు మరింత పవిత్రత చేకూరుతుందని, ఉత్సవాలు చేసినవారికి, చేయించినవారికి, ఇందుకు సహకరించినవారికీ, దర్శించిన వారి అందరికీ బ్రహోత్సత్సవ యజ్ఞఫలం లభిస్తుందని అందరు భావిస్తుంటారు. ఈ నేపథ్యంలో శ్రీవారి చక్రస్నాన ఘట్టంపై టీటీడీ రూపొందించిన ఓ ప్రోమో వీడియో చాలా పెద్ద వివాదానికి కారణమైంది.


చక్రస్నానం గురించి శ్రీవేంకటేశ్వర భక్తి ఛానల్‌ ఛైర్మన్‌, నటుడు పృథ్వీరాజ్‌ బాలిరెడ్డితో ప్రోమో వీడియోలో తెలుగు, తమిళం, కన్నడలో చెప్పిస్తూ రికార్డు చేయడం జరిగింది. అయితే, పృథ్వీ చెబుతుండగా సంభాషణలు సరిగ్గా పలకలేకపోయారు. ఈ వీడియోను ఎవరో సోషల్ మీడియాలో పెట్టడంత అది బాగా వైరల్‌గా మారింది. పుష్కరిణిలో స్నానం చేయడానికి భక్తులు పోటీ పడాల్సిన అవసరం లేదని...24 గంటల వ్యవధిలో ఎప్పుడు స్నానమాచరించినా పుణ్యం వస్తుందనే ప్రోమోను ఎస్వీబీసీ రూపొందించడం జరిగింది.


ఈ సమాచారాన్ని తెలుగుతో పాటు తమిళం, కన్నడ భాషల్లో పుష్కరిణి నుంచి ఛానల్‌ ఛైర్మన్‌ ద్వారా పలికిస్తూ రికార్డు చేశారు. కానీ, తమిళంలో మాట్లాడే సమయంలో ఛైర్మన్‌ వాయిస్ తడబడి కొన్ని పొరపాట్లు ఉన్నాయి. రెండు మూడుసార్లు సంభాషణలు పలకడంలో ఇలాగే తడబడ్డారు. పక్క నుంచి డైలాగ్ అందజేస్తున్నా తడబటం ఈ వీడియోలో సపష్టంగా కనిపిస్తోంది. ఇది యథాఫలంగా రికార్డ్ చేసి, ఎవరో సోషల్ మీడియాలో పోస్ట్ చేయగా, వైరల్ గా మారింది. దీంతో థర్టీ ఇయర్స్ ఇండస్ట్రీ నటుడు నవ్వులపాలయ్యారు.


తనపై కక్షతోనే ఎవరో ఈ పనిచేశారని పృథ్వీరాజ్‌ ఆగ్రహం వ్యక్తం చేస్తున్నారు. రికార్డు చేసిన తర్వాత వీడియోను ఓఎఫ్‌సీ ద్వారా స్టూడియోకు పంపిన సమయంలో లేదా ఎడిటింగ్‌ టైంలో ఇది బయటికి వచ్చినట్టు అనుమానం వ్యక్తం చేస్తున్నారు. దీనిపై టీటీడీ విజిలెన్స్‌ లేదా సైబర్‌ క్రైం పోలీసులకు ఫిర్యాదు చేసి తనను నవ్వులుపాలుచేసిన వారిని గుర్తించాలని భావిస్తున్నారు. ఈ అంశంపై త్వరలోనే ఎస్వీబీసీ బోర్డు సమావేశంలో చర్చించి నిర్ణయం తీసుకుంటాం అని తెలిపారు.



మరింత సమాచారం తెలుసుకోండి: