శ్రీరామ నవమి పండుగ రోజులలో దేశమంతటా పచ్చనితోరణాలతో పందిళ్ళతో దీపాల అలంకరణలతో, సాంస్కృతిక కార్యక్రమాలతో అలరారుతుంది. ఈ పండగనాడు పానకం, వడపప్పు, విసనకర్రలు పంచిపెడతారు. ఎర్రని నిప్పులు చెరిగే ఎండాకాలంలో వచ్చే ఈ పండుగనాడు చల్లదానాన్ని కలిగించడం వల్ల జనులు ఎండల వేడినుండి ఉపశాంతి పొందుతారు.
పసుపు, కుంకుమలతో అలంకరించి పూజించిన విసన కర్రలను పంచడమనేది మానవత్వాన్ని మేల్పొలుపుతోంది. తియ్యని పానకం తాగుతూ, తియ్యని రామకథా విశేషాలను తెల్సుకుంటూ ప్రజలు ఈ పండగ సమయాల్లో ఆనందంగా గడుపుతారు.
శ్రీరామచంద్రున్ని స్మరించే వారికి ఏ చెడు గ్రహముల బాధలూ కలుగవు ఒక నానుడి తెలుపుతున్నది. ‘‘గ్రహబలమేమి? రామానుగ్రహబలముగాని’’ అని కదా రామభక్తుడైన రామదాసు తన కీర్తనలో శ్రీరాముని కరుణను కీర్తించాడు.
రామసుధ :
- రామనామాన్ని జపించేవారికి భయముండదు. రామనామ జపం సమస్త తాపాలను నివృత్తి చేసే ఏకైక ఔషధం.
- రామనామం త్రిమూర్తులకు ప్రతీక.
- రామనామం మోక్షదాయకం- మోక్షకారకం.
- నిధికన్న- రాముని సన్నిథే మిన్న.
- సకల సద్గుణ నిలయుడు శ్రీరాముడు
- శ్రీరామ నామస్మరణే ముక్తికి మార్గము.
- మూర్తీభవించిన ధర్మమే శ్రీరాముడు.
- శ్రీరామ రక్ష- సర్వజగద్రక్ష.
- సీతవల్ల భూలోకం పావనమైంది.
- రామ సంకీర్తన జరిగేచోట హనుమంతుడు ఉంటాడు.
- మూల్లోకాల్లో రాముని వంటి పురుషోత్తముడు లేడు.
- స్త్రీలు ప్రణవము (ఓంకారము) చెప్పేబదులు ‘రామ’ అని రాస్తే సరిపోతుంది.
- ప్రతిరోజూ రామనామ జపం చేస్తూ, రాస్తూవుంటే మనశ్శాంతి లభిస్తుంది.
- ‘ఓ రామ నీ నామమెంతో రుచిరా’
మరింత సమాచారం తెలుసుకోండి: