మఘ 1,2,3,4 పాదములు లేదా పుబ్బ 1,2,3,4, పాదములు లేదా ఉత్తర 1వ పాదంలో జన్మించిన వారు సింహరాశికి చెందును.


శ్రీ వికారి నామ సంవత్సరంలో సింహరాశి వారి ఆదాయం - 08 వ్యయం - 14 రాజపూజ్యం - 01 అవమానం - 04. పూర్వ పద్దతిలో వచ్చిన శేష సంఖ్య "5". ఇది మీ ప్రమేయం లేకుండా ఇతరుల తప్పుల వలన నిందలు భరించవలసిన సంఘటనలను సూచించుచున్నది.


సింహరాశి వారికి శ్రీ వికారి నామ సంవత్సరం ( ది.06-ఏప్రిల్-2019 నుండి ది.24-మార్చి-2020 వరకూ) సంతాన సంబంధ మరియు గౌరవ సంబంధ విషయాలలో మినహా మిగిలిన విషయాలలో అనుకూలమైన ఫలితాలను కలుగచేయును. సింహరాశికి చెందిన గర్భవతులు చాలా జాగ్రత్తగా వ్యవహరించవలసిన సమయం. క్రమం తప్పకుండా వైద్యులను సంప్రదించడం, వైద్యుల పర్యవేక్షణలో ప్రసవం జరగటం మంచిది. నూతన దంపతులు ఈ వికారి నామ సంవత్సరంలో పిల్లలకు ప్రయత్నించకుండా వుండడం మంచిది. గ్రహగతుల ఫలితంగా శ్రీ వికారి నామ సంవత్సరం పైన పేర్కొనిన రెండు విషయాలలో మినహా మిగిలిన విషయాలలో అనుకూలమైన ఫలితాలను కలుగచేయును. తలపెట్టిన పనులున్ని సకాలంలో పుర్తిఅగును. సహనముతో మాత్రమె కుటుంబ సభ్యులను కలపి ఉంచగలము అని గ్రహిస్తారు. సంవత్సర ప్రారంభమున ఆర్ధికంగా కొంత ఇబ్బందులు ఎదురగును. క్రమంగా సంవత్సరాంతానికి ఆర్ధికంగా సంతృప్తికర పరిస్థితులు ఏర్పడును. స్థిరాస్థి వ్యవహారాలలో, విదేశీ వ్యవహారాలలో, వైవాహిక జీవనములో ఆశించిన ఫలితాలు ఉండును. వ్యాపార రంగంలోనివారికి వ్యాపార విస్తరణకు సొంత వివేకం అవసరం. ఈ సంవత్సరం చక్కటి గృహలాభం ఏర్పడును. నిరుద్యోగుల ఉద్యోగ ప్రయత్నాలు ఫలించును. ఉద్యోగ ప్రయత్నాలలో దళారులను నమ్ముకోనుట వలన వృధా వ్యయం. కోర్టు వ్యవహారాలలో లాభం. మందబుద్ధి వలన తీవ్ర నష్టములు ఎదుర్కొందురు. జీవిత భాగస్వామి వలన ధన విషయాలందు లాభం ఏర్పడును. వ్యవసాయదారులకు రెండు పంటలు కలసి వచ్చును. విద్యార్ధులకు మంచి ఆశించిన ఫలితాలు. వృత్తి జీవనంలోని వారికి సామాన్య ఫలితాలు. పేరు ప్రఖ్యాతలు తగ్గును. రాజకీయ నాయకులకు పదవీ గండం.


సింహరాశి వారికి శ్రీ వికారి నామ సంవత్సరంలో గురు గ్రహం వలన సంతాన సంబంధ విషయాలు మినహా మిగిలిన విషయలందు మంచి ఫలితాలను కలుగచేయును. భూ సంబంధమైన వ్యవహారాలు విజయం పొందును. విద్యార్ధులు రెండు మూడు విద్యలందు ప్రవేశం చేసిననూ అతి నమ్మకంతో దేనియందు పరిపూర్ణత పొందక ఇబ్బందులు ఎదుర్కొందురు. 04-నవంబర్-2019 నుండి సంవత్సర అంతం వరకూ పుత్ర సంతానానికి కొద్ది ప్రమాదపూరిత కాలం.


సింహరాశి వారికి శ్రీ వికారి నామ సంవత్సరంలో శని గ్రహం వలన సంవత్సరం అంతా ఆర్ధికంగా యోగించును. చక్కటి ధనార్జనను ఏర్పరచును. వారసత్వ సంపద కోసం కోర్టు వ్యవహారాలు కలిగిన వారికి అనుకూల ఫలితాలను ఏర్పరచును. గర్భవతులకు ఇబ్బందులు కలుగచేయును.
సింహరాశి వారికి శ్రీ వికారి నామ సంవత్సరంలో రాహు - కేతువుల వలన చక్కటి ఆర్ధిక పురోగతి ఏర్పడును. న్యాయవంతమైన ఆర్జన ఏర్పరచును. సంతానం వలన మాత్రం సౌఖ్యం ఉండదు.


ఏప్రిల్ 2019 సింహరాశి రాశీ ఫలితాలు:


ఈ మాసంలో అవివాహితుల వివాహ ప్రయత్నాలు లాభించును. సొంత వాహన ఆశ నెరవేరును. గృహంలోనికి స్వర్ణం లేదా ఒక నూతన వస్తువు ఆగమనం. పెద్ద వయస్సు వారికి అనారోగ్య సమస్యలు తగ్గును. వ్యాపారాదులు ఆశించిన విధంగా సాగును. ఉద్యోగస్తులకు నీలాపనిందలు. పేరు ప్రతిష్టలు పోగొట్టుకోనుదురు. తోటి ఉద్యోగస్తుల వలన అపకీర్తి ఏర్పడును. ఆధ్యాత్మిక మార్గం అవసరమగును. ఈ మాసంలో 23 వ తేదీ తదుపరి చేయు ప్రయాణాల వలన ధన వ్యయం ఏర్పడును. నూతన వ్యాపారాలను ప్రారంభం చేయరాదు.


మే 2019 సింహరాశి రాశీ ఫలితాలు:


ఈ మాసం ద్వితీయ వారం నుండి నూతన ప్రయత్నాలు లాభించును. గత కాలంలో ఆర్ధిక ఇబ్బందుల వలన వదిలివేసిన పనులు తిరిగి ప్రారంభించుటకు ఈ మాసం అనుకూలమైన కాలం. వృత్తి వ్యాపారాదులు జయం పొందును. సంతాన ప్రయత్నాలు విఫలమగును. దగ్గరి కుటుంబ సభ్యులను కోల్పోవు సూచన. ప్రభుత్వ ఉద్యోగ ప్రయత్నాలు చేయువారికి , ఉద్యోగంలో ప్రమోషన్ కొరకు ప్రయత్నాలు చేయువారికి ఈ మాసం అనుకూలమైన కాలం. ఉద్యోగ జీవనం చేయువారికి నూతన ఒప్పందాలు లభించును. పరిస్థితులకు అనుగుణంగా ప్రవర్తించేదురు. ఈ మాసంలో 2, 4, 5, 6 తేదీలు అనుకూలమైనవి కావు.


జూన్ 2019 సింహరాశి రాశీ ఫలితాలు:


ఈ మాసంలో ప్రయత్నాలు సులువుగా ముందుకు సాగవు. పనులు వాయిదాలు పడుతుండును. నూతన ప్రయత్నాలు వాయిదా వేసుకోవడం ఉత్తమం. కుటుంబంలో కొద్దిపాటి అసంతృప్తికర సంఘటనలు. ఆస్తుల కోసం కలహాలు ఏర్పడే పరిస్థితులు. మాస మధ్యమంలో నేత్ర సంబంధమైన సమస్య లేదా వాహన ప్రమాదం వలన గాయాలు. 20 వ తేదీ తదుపరి నూతన సంబంధాలు, నూతన రంగంలో నిపుణత, విద్యా రంగంలో పనిచేయువారికి ప్రాముఖ్యత లభించును. 29, 30 తేదీలలో అలంకరణ వస్తువుల కొరకు వ్యయం ఏర్పడు సూచన.


జూలై 2019 సింహరాశి రాశీ ఫలితాలు:


ఈ మాసంలో సామాన్య ఫలితాలు. ఉద్యోగ వాతావరణంలో కొద్దిపాటి అశాంతి, దుఃఖం. ధనాదాయం సామాన్యం. నమ్మినవారి వలన ఒక నష్టం. జీవిత భాగస్వామి కుటుంబ సభ్యుల విషయాల్లో జాగ్రత్తగా ఉండవలెను. నూతన కార్యములను , స్థానచలన ప్రయత్నాలను, విదేశీ ఉద్యోగ ప్రయత్నాలను 17 వ తేదీ తదుపరి ప్రారంభించుకోనుట మంచిది. కెరీర్ పరంగా రాజకీయ సహకారం ఉపయోగపడుతుంది.తోటి వారితో మాట తేడా వలన కొత్త శత్రుత్వాలు. మాసాంతానికి ఖర్చులు పెరిగిననూ ధనం సర్దుబాటు జరుగును.


ఆగష్టు 2019 సింహరాశి రాశీ ఫలితాలు:


ఈ మాసంలో పెద్దవయస్సు వారికీ హృదయ సంబంధ సమస్యలు అధికం అగును. వైవాహిక జీవన సౌఖ్యం ఉండదు. అవిధేయత ఎదుర్కోను సూచనలున్నాయి. గృహంలో మార్పులు చేయుదురు. ధనాదాయం బాగుండును. మనోధ్యైర్యం పెరుగును. పోయిన పేరు ప్రతిష్టలు తిరిగి పొందుటకు అవకాశములు లభించును. మాట చాతుర్యంతో పనులను పూర్తీ చేసుకోగలరు. కోర్టు వ్యవహారాలు సానుకూలంగా ముగియును.


సెప్టెంబర్ 2019 సింహరాశి రాశీ ఫలితాలు:


ఈ మాసంలో వ్యాపార వ్యవహరాదులు నష్టాన్ని, నూతన ప్రయత్నాల వలన కష్టాల్ని కలిగించును. ఈ మాసం అంత అనుకూలంగా ఉండదు. ధనవ్యయం అధికం అగును. పై అధికారుల లేదా కుటుంబ పెద్దల కోపానికి గురవుతారు. చేస్తూ ఉన్న ఉద్యోగం అఖస్మికంగా కోల్పోవు సూచన. సిఫారసుల కొరకు తీవ్రంగా తిరగవలసి వచ్చును. ప్రతీ విషయములో సందేహాలు ఏర్పడును. వివాహ సంబంధాలు బెడిసికోట్టును. ఈ మాసంలో 5, 7, 8, 13, 14, 22, 28 తేదీలు అనుకూలమైనవి కావు. స్వ ఆరోగ్య విషయాలలో జాగ్రత్త తీసుకోవలెను.


అక్టోబర్ 2019 సింహరాశి రాశీ ఫలితాలు:


ఈ మాసంలో కుడా సెప్టెంబర్ మాసంవలె ఇబ్బందులు ఏర్పరచును. అవమానాలు ఎదురగును. ఏదో ఒక మానసిక అశాంతి బాధించును. ప్రయాణాలలో భయాందోళనలు, రహస్య కార్యాచరణ వలన సమస్యలు ఎదుర్కొందురు. ఉద్యోగ జీవనంలో అనిచ్చితి కొనసాగును. ఆశించిన వ్యక్తుల నుండి సహకారం ఆలస్యంగా లభించును. జీవిత భాగస్వామి సంభందిత వ్యక్తులకు పీడగా ఉండు సూచన. ఈ మాసంలో రాహు - కేతువులకు శాంతి జపములు జరిపించుకోనుట మంచిది.


నవంబర్ 2019 సింహరాశి రాశీ ఫలితాలు:


ఈ మాసంలో కొంత పరిస్థుతులలో అనుకూలమైన మార్పులు ఎదుర్కొందురు. ప్రతీ చర్యలోనూ ఆచితూచి వ్యవహరించుట మంచిది కాదు. ఉద్యోగ రీత్యా చేయు ప్రయత్నాలు 6 వ తేదీ నుండి అనుకూలిస్తాయి. అందివచ్చిన ప్రతీ అవకాశమును ఉపయోగించుకోవాలి. అతిగా ఆలోచించుటకు ఇది మంచి సమయం కాదు. వివాహ విషయాలలో కూడా ఇదే సూత్రం వర్తించును. శారీరాక ఆరోగ్య సమస్యలు తగ్గుముఖం పట్టును. చివరి వారం నుండి వ్యాపార వ్యవహరాదులు అనుకూలంగా సాగును. ఆశించిన లాభములు పొందేదుదురు.


డిసెంబర్ 2019 సింహరాశి రాశీ ఫలితాలు:


ఈ మాసంలో ధనాదాయం బాగుండును. నూతన ఆదాయ మార్గములు లభించును. తలపెట్టిన కార్యములన్ని విజయం సాధించుదురు. కుటుంబ సభ్యులకు సంబందించిన ఒక భాద్యత మీపై పడుతుంది. వివాహ ప్రయత్నాలు నెరవేరును. గతకాలపు తగాదాలు పరిష్కారమగును. తృతీయ వారం ముగిసే సమయానికి ఉల్లాసపూరిత వాతావరణం ఏర్పడును.


జనవరి 2020 సింహరాశి రాశీ ఫలితాలు:


ఈ మాసంలో గృహలాభం లేదా గృహ నిర్మాణ పనులలో సఫలత ఏర్పడును. శత్రుబాదలు తగ్గును. చేపట్టిన పనులు సకాలంలో పుర్తిఅగును. నిరుద్యోగులకు ఆశించిన శుభవార్త. ఆరోగ్యం బాగా సహకరించును. వ్యాపారులకు అనిచ్చిత వాతావరణం తొలగిపోవును. ఆఖస్మికంగా ధనాదాయం పెరుగును. కృషికి తగిన ఫలితాలు పొందుదురు. కోరుకొన్న గుర్తింపు లభించును. ఈ మాసంలో 15, 16, 17 తేదీలు అనుకూలమైనవి.


ఫిబ్రవరి 2020 సింహరాశి రాశీ ఫలితాలు:


ఈ మాసంలో మీ మాట నెగ్గును. ఆశించినంత ధనాదాయం ఏర్పడును. గృహంలో శుభకార్యములు ఏర్పడును. చేపట్టిన పనులందు దైవ సహాయం అందును. సామాజికంగా పలుకుబడి పెరిగి నూతన పరిచయాలు ఏర్పడును. నూతన వస్తువులు సమకూర్చుకొందురు. రాజకీయ నాయకులకు మినహా మిగిలిన అన్ని రంగాల వారికి ఈ మాసం కలసి వచ్చును. ఈ మాసంలో చేయు ప్రయాణాలు కూడా లాభించును.


మార్చి 2020 సింహరాశి రాశీ ఫలితాలు:


ఈ మాసంలో కుటుంబ సుఖ సంతోషాలతో ఆహ్లాదకరంగా కాలం గడిపెదరు. బంధు మిత్రుల సమాగమము ఏర్పడును. కుటుంబ సభ్యుల మారిన వ్యక్తిత్వాలు సంతృప్తిని కలుగచేయును. వృత్తి వ్యాపార ఉద్యోగాలలో ఆశించిన అభివృద్ధి ఏర్పడును. ధార్మిక కార్యక్రమాలలో పాల్గొంటారు.



మరింత సమాచారం తెలుసుకోండి: