Indiaherald Group of Publishers P LIMITED

X
close save
crop image
x
TM
Thu, May 23, 2019 | Last Updated 6:43 pm IST

Menu &Sections

Search

2019 - 2020 శ్రీ వికారి నామ సంవత్సర వృచ్చికరాశి రాశీ ఫలాలు

2019 - 2020 శ్రీ వికారి నామ సంవత్సర వృచ్చికరాశి రాశీ ఫలాలు
2019 - 2020 శ్రీ వికారి నామ సంవత్సర వృచ్చికరాశి రాశీ ఫలాలు
http://apherald-nkywabj.stackpathdns.com/images/appleiconAPH72x72.png apherald.com
విశాఖ 4 వ పాదము లేదా అనురాధ 1,2,3,4 పాదములు లేదా జ్యేష్ఠ 1,2,3,4 పాదములులో జన్మించినవారు వృచ్చిక రాశికి చెందును.


శ్రీ వికారి నామ సంవత్సరంలో వృశ్చిక రాశి వారికి ఆదాయం - 14 వ్యయం - 14 రాజపూజ్యం - 03 అవమానం - 01. పూర్వ పద్దతిలో వచ్చిన శేష సంఖ్య "3". ఇది వాహన సంబంధ ప్రమాదాన్ని లేదా వాహన సంబంధ నష్టమును సూచించుచున్నది.


వృచ్చికరాశి వారికి శ్రీ వికారి నామ సంవత్సరం ( ది.06-ఏప్రిల్-2019 నుండి ది.24-మార్చి-2020 వరకూ) మిశ్రమ ఫలితాలు ఏర్పరచును. వృచ్చికరాశి వారికి ఈ సంవత్సరం 23-జనవరి-2020 నుండి ఏలినాటి శని దశ పుర్తిఅగును. గత ఆరు సంవత్సరాల నుండి ఉన్న శని దోష ప్రభావం తొలగిపోవును. ఈ సంవత్సరం కుటుంబ , ఆర్ధిక లావాదేవీలు , వ్యాపార వ్యవహరాదులు లాభదాయకంగా కొనసాగును. నూతన గృహ నిర్మాణ ప్రయత్నాలు ఆటంకములు ఎదుర్కొనును. అవసరములకు బంధు సహకారములు లభించును. తగాదాలందు విజయం చెకూరును. ఈ సంవత్సరం వృచ్చికరాశి వారికి అనారొగ్యమూలక ధనవ్యయం తరచుగా ఏర్పడుటకు సూచనలు కలవు. కావునా ఆరోగ్య విషయాలందు జాగ్రత్తగా ఉండవలెను. వ్యాపారాలు లాభసాటిగా కొనసాగును. ఉద్యోగ జీవనంలో స్థాన చలన ప్రయత్నాలు ద్వితియార్ధంలో సఫలమగును. విదేశీ వ్యవహారములందు ఆశించిన ఫలితాలు ఏర్పడును.


వృచ్చిక రాశి వారికి శ్రీ వికారి నామ సంవత్సరంలో గురు గ్రహం సంవత్సరం అంతా చాలా చక్కని ఫలితాలు కలుగచేయును. మిక్కిలి ధన భాగ్యములను ఏర్పరచును. విద్యార్ధులకు అతి చక్కటి విద్యాభ్యాసం కలుగచేయును. సమాజంలో , వంశంలో పేరు ప్రఖ్యాతలను ఏర్పరచును. శన్మానములను కలుగచేయును.
వృచ్చిక రాశి వారికి శ్రీ వికారి నామ సంవత్సరంలో శని గ్రహం 22-జనవరి-2020 వరకూ మంచి ఫలితాలను ఇవ్వడు. సంతాన ప్రయత్నాలలో ఇబ్బందులు , అధిక ధన వ్యయం, నేత్ర హాని లేదా నేత్ర సంబంధ అనారోగ్యం వంటి సమస్యలను ఏర్పరచును. 23-జనవరి -2020 తదుపరి ఏలినాటి శని దశ పుర్తిఅగును. లాభావ్యయములు సమానంగా ఉండును.
వృచ్చిక రాశి వారికి శ్రీ వికారి నామ సంవత్సరంలో రాహు - కేతు గ్రహముల వలన మంచి ఫలితాలు ఏర్పడవు. రాహువు ఆరోగ్య కష్టములను, కేతువు అధిక ధనవ్యయం ఏర్పరచును. ఆరోగ్య సమస్యలు తీవ్రంగా ఎదుర్కోను వారు రాహు గ్రహ శాంతి జరిపించుకోనువలెను.


ఏప్రిల్ 2019 వృచ్చికరాశి రాశీ ఫలితాలు:


ఈ మాసంలో ధన సంబంధమైన వ్యవహారాలు కొద్దిపాటి చికాకులు కలుగచేయు సూచన. వ్యాపార వ్యవహరాదులలో నూతన పెట్టుబడులు పెట్టకుండా ఉండుట మంచిది. స్పెక్యులేషన్ వలన భారీ నష్టం ఏర్పడు అవకాశములు అధికం. ఈ మాసంలో గృహోపకరణాలు కొనకపోవడం మంచిది. ఉద్యోగ జీవనంలో శ్రమ అధికం అగును. వ్యక్తిగత ప్రతిభ అవసరం అగును. 20 వ తేదీ తదుపరి కొంత అనుకూలమైన పరిస్థితులు ప్రారంభమగును. శుభవార్తలు పొందుతారు. వ్యాపారాలు క్రమంగా లాభాల మార్గం పొందును. ఈ మాసంలో 2, 6, 8, 13,17 తేదీలు అనుకూలమైనవి కావు.


మే 2019 వృచ్చికరాశి రాశీ ఫలితాలు:


ఈ మాసంలో వైవాహిక జీవనంలో ఆశించిన సంతోషాలు ఏర్పడును. వివాహ ప్రయత్నాలు విజయవంతమగును. జీవిత భాగస్వామితో ఉన్న తగాదాలు తొలగిపోవును. స్థిరాస్థి వ్యవహారాలు లాభాలను కలుగచేస్తాయి. భాగస్వామ్య వ్యాపారాలు మంచి అభివృద్ధికి బాటలు వేస్తాయి. తృతీయ వారంలో చేయు ప్రయాణాలు కలసివచ్చును. నిరుద్యోగులకు ఆశాభంగములు. చివరివారంలో కుటుంబ సభ్యులకు ఆరోగ్య పరమైన చికాకులు. ఇతరుల పనుల కోసం మీ సమయాన్ని, ఆదాయాన్ని వెచ్చించాల్సి వచ్చును. ఈ మాసంలో 22 వ తేదీ నుండి 28వ తేదీ మధ్య కాలంలో పోలీసులకు విధి నిర్వాహణలో ప్రమాదాలు ఏర్పడు సూచన.


జూన్ 2019 వృచ్చికరాశి రాశీ ఫలితాలు:


ఈ మాసంలో ధనాదాయం బాగుండును. ఆశించిన ధనభాగ్యములు పొందుతారు. పాత బాఖిలు వసూలు అగును. ఉద్యోగ జీవులకు మంచి ప్రోత్సాహవంతమైన కాలం. కుటుంబ సభ్యుల సహకారంతో పనులు పూర్తీ అగుట సంతృప్తిని కలుగచేయును. ఈ మాసంలో పుణ్యక్షేత్ర సందర్శన లేదా ఆధ్యాత్మిక గురువులతో పరిచయాలు ఏర్పడును. రాజకీయ రంగంలోని వారికి అపవాదులు లేదా ప్రభుత్వ పరమైన సమస్యలు. ఈ రాశికి చెందిన స్త్రీలకు బాధ్యతలు పెరుగును. ఈ మాసంలో 5, 9, 10, 14, 20, 25 తేదీలు అనుకూలమైనవి కావు.


జూలై 2019 వృచ్చికరాశి రాశీ ఫలితాలు:


ఈ మాసంలో గతకాలపు తగాదాలు తొలగును. ధనాదాయం సామాన్యం. ఒక నమ్మిన వ్యక్తి చేసిన మోసం వలన మానసిక ప్రశాంతత లోపించు సూచన. వ్యక్తిగత జీవనంలో సౌఖ్యం లోపించును. గృహ అవసరాల కోసం ఆధునిక వస్తువులు కొనుగోలు చేయుదురు. విదేశీయాన ప్రయత్నాలకు ఈ మాసం అనుకూలమైన కాలం. ద్వితీయ వారంలో సంతాన సంబంధ శుభవార్త. ఉద్యోగ జీవనంలో అననుకూల మార్పులు ఏర్పడు సూచన. ప్రతికూల పరిస్థితులు ఉన్నా పట్టుదలతో లక్ష్యాలను పూర్తీ చేయగలరు. మీ తప్పులను సరిదిద్దుకోవలసిన సమయం ఇది. విద్యార్ధులకు శ్రమానుకూల ఫలితాలు. వైద్య విద్య అభ్యసిస్తున్న వారికి సమస్యలు.


ఆగష్టు 2019 వృచ్చికరాశి రాశీ ఫలితాలు:


ఈ మాసంలో వ్యాపారాదులు బాగానే ఉండును. ధనాదాయం ఆశించినంత లభించును. సోదర వర్గం వారికి మీ సహాయ సహకారములు అవసరమగును. నూతన స్నేహాలు , పరిచయాలు ఏర్పడును. ఆఖస్మిక ప్రయాణాలు ఏర్పడును. గృహంలో మీ అభిరుచికి తగిన విధంగా మార్పులు చేసుకొందురు. ఋణాలు తీర్చివేస్తారు. కోర్తుకేసులు మీకు అనుకూలంగా తీర్పులను పొందును. ఉద్యోగ జీవనంలో ఉన్నతాధికారులతో సమావేశాలు కలసివచ్చును. రాజకీయ నాయకులకు తిరిగి ఆశించిన గుర్తింపు లభించును. ఈ మాసంలో 7 వ తేదీ నుండి 16 వ తేదీ మధ్య చేయు ఉద్యోగ ప్రయత్నాలు ఫలించును.


సెప్టెంబర్ 2019 వృచ్చికరాశి రాశీ ఫలితాలు:


ఈ మాసంలో ధనాదాయం బాగుండును. తలపెట్టిన నూతన కార్యములు ఆర్ధిక లాభాలను కలుగచేయును. జయప్రదమగును. పై అధికారుల మన్ననలు లభించును. అవివాహితులకు చక్కటి సంబంధాలు లభించును. తృతీయ వారంలో విందు వినోదాలు ఏర్పాటు చేయుదురు. నూతన వాహనాలు కొనుగోలు చేయుటకు ఈ తృతీయ వారం మంచి సమయం. బ్యాంకు లావాదేవీలు, నూతన ఒప్పందాలు విజయవంతం అగును. వృత్తి సంబంధ సమస్యలను అధిగమిస్తారు. మాసాంతానికి ఆశించిన వ్యక్తిగత సౌఖ్యం.


అక్టోబర్ 2019 వృచ్చికరాశి రాశీ ఫలితాలు:


ఈ మాసంలో కుటుంబ సభ్యులలో ఒకరికి తీవ్ర ఆరోగ్య భంగం ఏర్పడు సూచన. ముఖ్యంగా తండ్రి వర్గం వారికి మంచిది కాదు. కార్యదీక్షతో వ్యవహరించి ఉద్యోగ లక్ష్యాలను పూర్తీ చేయుదురు. ధనాదాయం సామాన్యం. కుటుంబ సభ్యుల మధ్య ఏకాభిప్రాయం లోపించును. అనవసర పట్టుదల వలన సొంత వారితో విభేదాలు ఎదుర్కొందురు. మిత్రుల సహకారంతో కొంత వరకూ లక్ష్యాలను చేరుకోగలరు. వ్యాపారాదులు సామాన్యం. ఈ మాసంలో 11, 13, 18, 27 తేదీలలో ప్రయాణములందు జాగ్రత్త అవసరం. చివరి వారానికి ధనవ్యయం పెరుగును.


నవంబర్ 2019 వృచ్చికరాశి రాశీ ఫలితాలు:


ఈ మాసంలో పనుల వలన శ్రమ , ఒత్తిడి అధికమగును. విరామం దొరుకుట కష్టం. భాద్యతలను మిత్రులతో పంచుకొనుట మంచిది. ధనాదాయం సామాన్యం. గత మాసంలో పెరిగిన వ్యయమును తగ్గించుకొందురు. కోర్టు వ్యవహారాలను వాయిదా వేసుకొనుట మంచిది. ఈ మాసంలో స్థిర చరాస్తుల ద్వారా ఆదాయం పెరుగును. 14 వ తేదీ తదుపరి విద్య, ఉద్యోగ రంగాలలో నూతన అవకాశాలు ఉత్సాహపూరితంగా ఉండును. వ్యాపారంలో కొద్దిపాటి చికాకులు, సమస్యలు ఉండును. రచనా రంగంలోని వారికి చక్కటి గుర్తింపు లభించును. రచనల ద్వారా ధనార్జన ఆరంభానికి ఇది మంచి కాలం.


డిసెంబర్ 2019 వృచ్చికరాశి రాశీ ఫలితాలు:


ఈ మాసంలో అభిరుచులకు తగిన విధంగా పరిస్థితులు నెలకొంటాయి. ఉద్యోగ జీవులకు మాత్రం కార్యభారం , ఒత్తిడి కొనసాగును. ధనాదాయం కొద్దిగా పెరుగును. మిత్రుల ఆదరణ సంతృప్తిని కలుగచేస్తుంది. ఉన్నత లక్ష్యాలను నిర్దేసించుకొంటారు. మాస మధ్యమంలో నూతన ఆదాయ మార్గాలు లభించును. చివరి రెండు వారాలు సామాన్య ఫలితాలను ఏర్పరచును.


జనవరి 2020 వృచ్చికరాశి రాశీ ఫలితాలు:


ఈ మాసంలో సంతాన సంబంధ విషయాలు అనుకూలమైన ఫలితాలను ఏర్పరచును. పుత్ర సంతాన కాంక్ష తీరును. కుటుంబ సంబంధాలు మెరుగ్గా ఉండును. స్నేహాల వలన ఉత్తమ ఫలితాలు ఉంటాయి. ఉద్యోగ రంగంలో ప్రోత్సాహకరంగా ఉండును. ముఖ్యమైన పనులను వాయిదా వేయకపోవడం మంచిది. విదేశీ ప్రయత్నాలకు మార్గం సుగమమం అగును. చివరి వారంలో ఆదాయానికి మించిన ఖర్చులు ఏర్పడును. వాహనాలు నడిపే విషయంలో కూడా జాగ్రత్త అవసరం.


ఫిబ్రవరి 2020 వృచ్చికరాశి రాశీ ఫలితాలు:


ఈ మాసంలో విహార యాత్రలు , దూర ప్రాంత ప్రయాణాల వలన ఆరోగ్యం మందగించు సూచనలు కలవు. కోర్తుకేసులు అనుకూలంగా పరిష్కారం అవుతాయి. ఆర్ధికంగా నూతన లాభాలు ఏర్పడడంతో సంతోషకర వాతావరణం కలిగివుందురు. వివాహ - సంతాన సంబంద సంతోషాలు ఏర్పడును. వ్యాపారాదులు బాగుండును. ఈ మాసంలో 25, 26, 27 తేదీలలో కార్యభారం అధికంగా ఉన్నా పనులను పూర్తిచేస్తారు. ఈ తేదీలలో ప్రయాణాలు అనుకూలమైన ఫలితాలు ఇవ్వవు.


మార్చి 2020 వృచ్చికరాశి రాశీ ఫలితాలు:


ఈ మాసంలో ఇతరుల విమర్శలకు బాధపడకుండా మీ కర్తవ్యాన్ని పుర్తిచేయవలసిన పరిస్థితులు ఏర్పడును. ధనాదాయం సామాన్యం. సొంత గృహ నిర్మాణ ప్రయత్నాలు ప్రారంభించడానికి ఈ మాసం అనుకూలమైన కాలం. నూతన ప్రయోగాలు చేయుటకు ఇది మంచి కాలం. ఉన్నత పదవులు పొందటానికి ఇది యోగావంతమైన కాలం. నూతన పారితోషకాలు అందుకోను సూచనలున్నాయి. చివరివారంలో ఆరోగ్య సమస్య లేదా శస్త్ర చికిత్స జరుగు అవకాశం కలదు.


Sree Vikari Nama Samvatsara Vrucchika Rasi / Scorpio Sign Free Telugu Rasi Phalalu
5/ 5 - (1 votes)
Add To Favourite
More from author
About the author

Bharath has been the knowledge focal point for the world, As Darvin evolution formula End is the Start ... Bharath again will be the Knowledge Focal Point to the whole world. Want to hold the lamp and shine light on the path of greatness for our country Bharath.