ലോക ബാഡ്മിന്റണ് ചാമ്പ്യന്ഷിപ്പില് ഇന്ത്യയുടെ പി.വി സിന്ധു പ്രീ ക്വാര്ട്ടറില്. രണ്ടാം റൗണ്ടില് തായ്വാന്റെ പായ് യു പോയെ നേരിട്ടുള്ള ഗെയിമുകളില് കീഴടക്കിയാണ് (21-14, 21-15) സിന്ധു ക്വാർട്ടറിൽ ഇടംപിടിച്ചത്. ലോക ചാമ്പ്യന്ഷിപ്പില് നിലവിലെ റണ്ണറപ്പും അഞ്ചാം സീഡുമായ സിന്ധു 42 മിനിറ്റില് വിജയം കരസ്ഥമാസ്ക്കി.
രണ്ടാം ഗെയിമില് ഇടവേളയ്ക്കു പിരിയുമ്പോള് 11-10 ന് പിന്നിലായതൊഴിച്ചാല് തായ്വാനീസ് താരത്തിനെതിരേ സിന്ധു തികഞ്ഞ മേധാവിത്തം പുലര്ത്തി. തുടര്ന്ന് എതിരാളി മൂന്നു പോയന്റ് നേടുന്നതിനിടെ 11 പോയന്റുകള് വാരി സിന്ധു ഗെയിമും മത്സരവും സ്വന്തമാക്കി. ആദ്യ ഗെയിം 18 മിനിറ്റും രണ്ടാം ഗെയിം 24 മിനിറ്റും നീണ്ടുനിന്നു.
