'అతను ఎక్కడున్నా రాజేరా' అని బాహుబలి 2 లో ప్రభాస్ ను ఉదేశిస్తూ బిజ్జలదేవ (నాజర్) చెప్పిన డైలాగ్ గుర్తిందిగా... ఇప్పుడు ఈ డైలాగ్ తమ అభిమాన క్రికెటర్ , టీంఇండియా మాజీ సారథి మహేంద్ర సింగ్ ధోని కి కరెక్ట్ సరిపోతుందని అతని అభిమానులు అభిప్రాయపడుతున్నారు. ప్రపంచకప్ తరువాత ప్రస్తుతం ధోని క్రికెట్ కు తాత్కాలికంగా విరామం ప్రకటించిన విషయం తెలిసిందే. మొన్న ఆ మధ్యన రాంచి లో జరిగిన టెస్ట్ లోడ్రెసింగ్ రూమ్ లో కనిపించి సందడి చేశాడు ధోని. అయితే విరామం తీసుకున్నా కానీ మరోవైపు రిటైర్మెంట్ ప్రకటించనున్నాడని పుకార్లు వస్తున్న కూడా ధోని క్రేజ్ ఏ మాత్రం తగ్గడం లేదు.
ఇందుకు ఉదాహరణ తాజాగా ఢిల్లీ లో ఇండియా -బంగ్లాదేశ్ లమధ్య జరిగిన మొదటి టీ 20 మ్యాచ్చే. ఈమ్యాచ్ లో భాగంగా భారత్ ఫీల్డింగ్ చేస్తున్న క్రమం లో ధోని మైదానం లో లేకున్నా ప్రేక్షకులు ధోని ,ధోని అంటూ అరుస్తూ స్టేడియాన్ని హోరెత్తించారు. దాంతో అభిమానులు . ధోనిని ఉదేశిస్తూ బాహుబలి 2 లోని నాజర్ , ప్రభాస్ మీమ్స్ కు వీడు ఎక్కడున్నా రాజేరా అనే డైలాగ్ ను జోడించి ట్వీట్లు చేస్తున్నారు. ఇక ధోని ప్రస్తుతం రాంచి లో ఓ టెన్నిస్ టోర్నమెంట్ లో పాల్గొంటున్నాడని తెలుస్తుంది. అన్ని కుదిరితే వచ్చే ఏడాది జనవరి నుండి ధోని ని మళ్లీ భారత జట్టు తో కలిసి చూసే అవకాశాలు ఉన్నాయి.
